Тод мэдээ
"Аравт" морин цэргийн уралдаанд Монгол, ОХУ, Казахстан, Узбекистаны баг оролцож байна
Олон улсын "Аравт" морин цэргийн уралдаан болон “Цэргийн ралли” тэмцээний нээлтэд зориулсан ёслолын ажиллагааг энэ сарын 22-ны өдөр зохион байгуулжээ.
"Олон улсын цэргийн наадам"-ын хүрээнд зохион байгуулагдаж буй энэхүү тэмцээний нээлтийн ёслолын үеэр Монгол Улсын багийн ахлагч, ЗХЖШ-ын Ажиллагааны удирдлагын газрын дарга, бригадын генерал С.Дашзэвэг хэлсэн үгэндээ “Дэлхий дахинд тархсан цар тахлыг үл харгалзан “Аравт” морин цэргийн уралдаан болон “Цэргийн ралли” тэмцээнийг ОХУ-ын Тува Улсад амжилттай зохион байгуулж буйд бид бүхэн туйлын баяртай байна. Хүн төрөлхтний мянга мянган жилийн түүхэнд морь гэдэг амьтан нь хэн бүхний дархлагдсан үнэнч нөхөр байсаар ирсэн бөгөөд дэлхийн хоёрдугаар дайны үед ч морьт цэргүүд байлдааны талбарт олон төрлийн үүргийг амжилттай гүйцэтгэж байсан агуу түүхтэй" гэдгийг онцолжээ.
Мөн энэ үеэр “Аравт” морин цэргийн уралдааны гарааны сугалааг сугалсан ба "Аравт”-ын салхийг Казахстан улсын баг тамирчид 2 дахь удаагаа хагалахаар болсон байна. Тодруулбал, “Аравт” олон улсын морин цэргийн анхдугаар уралдаан 2019 онд Монгол Улсад зохион байгуулагдсан ба тухайн үед нэгдүгээр сугалааг Казахстан улсын баг тамирчид сугалснаар тэрхүү тэмцээний салхийг нь хагалж байсан удаатай.
Ийнхүү "Аравт" олон улсын морин цэргийн уралдаан энэ сарын 23-ны өдөр эхэлж буй бөгөөд энэ удаагийн уралдаанд Монгол Улс, Оросын холбооны улс, Казахстан болон Узбекистан улсын Зэвсэгт хүчний баг тамирчид оролцож байна.
Сугалааны дагуу 8 дугаар сарын 23-ны өдөр Казахстан, Узбекистан, 8 дугаар сарын 24-ний өдөр Монгол Улс, ОХУ-ын баг тамирчид 110 км-ийн алсын зайн маршид таван төрлийн даалгаврыг гүйцэтгэж барианд орох ажээ. Энэхүү алсын зайн марш нь хоёр өдөр, нэг шөнө үргэлжилдэг онцлогтой.
Тэрчлэн энэ удаагийн “Цэргийн ралли” тэмцээнд оролцож буй Монгол Улсын Зэвсэгт хүчний баг тамирчид өнөөдөр өглөө гараанаас гарсан тухай мэдээг хошууч З.Бат-Оргил ирүүллээ.
Зэвсэгт хүчний Жанжин штаб
Тод мэдээ
Богдхан уулын ойн сангийн 3000 га талбайд хөнөөлт шавжтай тэмцэнэ
2024 онд Богдхан уулын дархан цаазат газрын ойн сангийн 3000 га-д ойн хөнөөлт, хортон шавжтай тэмцэх ажил хийнэ.
Монгол Улсад хэрэгжиж буй “Эрүүл ой” төслийн хүрээнд Монгол Улсад газраар ойн хөнөөлт шавж, өвчинтэй тэмцэж байгаа арга технологитой газар дээр нь танилцах, гадаадын эрдэмтдээс туршлага судлах сургалтад МУИС-ийн судлаачид, ЗГХА Ойн газар, Богдхан уулын дархан цаазат газрын хамгаалалтын захиргаа, “Ойн хөнөөлт шавжтай тэмцэх үйл ажиллагаа эрхлэгчдийн холбоо” зэрэг байгууллагууд хамтран оролцлоо.
Америк, Канад улсаас ирсэн эрдэмтэд Монгол орон хөнөөлт шавжтай тэмцэхдээ дэвшилтэт технологи ашиглаж байгааг онцоллоо. Цаашид Монгол орны ойн эрүүл байдлыг хамгаалах, хадгалах талаар зөвлөмж боловсруулж хүргүүлнэ.
2024 онд Богдхан уулын ойн сангийн 3000 га талбайд хөнөөлт шавжтай онгоцоор тэмцлийн ажил хийхээр төлөвлөөд байна гэж Богдхан уулын дархан цаазат газрын Хамгаалалтын захиргаанаас мэдээллээ.
Тод мэдээ
Нийтийн тээврийн 3 чиглэлд өөрчлөлт орууллаа
Тод мэдээ
Өмнөговь аймгийн Даланзадгад суманд 14 га талбайтай цэцэрлэгт хүрээлэн байгуулна
Монгол Улсын Ерөнхийлөгчийн Тамгын газар, Өмнөговь аймгийн Даланзадгад сум, “Буян-Од” ХХК хамтран “Тэрбум мод” үндэсний хөдөлгөөний хүрээнд мод тарьж, ургуулах аян өрнүүлнэ.
Энэ тухай Санамж бичигт Монгол Улсын Ерөнхийлөгчийн Тамгын газрыг төлөөлж Ерөнхийлөгчийн Хэвлэл мэдээллийн албаны дарга Ө.Золбаяр, Өмнөговь аймгийн Даланзадгад сумыг төлөөлж тус сумын Засаг дарга бөгөөд хотын захирагч Х.Батболд, “Буян-Од” ХХК-ийг төлөөлж тус компанийн ерөнхий захирал В.Буянтогтох нар гарын үсэг зурлаа.
Санамж бичгийн хүрээнд Өмнөговь аймгийн Даланзадгад суманд 14 га талбай бүхий “Говь хангай төгөл” цэцэрлэгт хүрээлэн байгуулж, хангайн бүсээс 4,000 ширхэг улиас, хайлаас модны тарьц, суулгац авчирч, тарьж, ургуулахаар боллоо.
Шаардагдах хөрөнгийг “Буян-Од” ХХК гаргах бөгөөд Даланзадгад сумын Засаг даргын Тамгын газар усалгаа, арчилгаа, тордлогоог нь бүрэн хариуцна. “Буян-Од” ХХК “Тэрбум мод” үндэсний хөдөлгөөнийг дэмжин, цэцэрлэгт хүрээлэн байгуулах, тарьц, суулгац нийлүүлэх санаачилга гаргасан юм.
Тус компани 2001-2014 онд Сэлэнгэ аймгийн Тужийн нарсыг нөхөн сэргээхэд хувь нэмрээ оруулж, 20 гаруй сая мод тарьж, ургуулан, ойн санд хүлээлгэн өгч байжээ.
“Тэрбум мод” үндэсний хөдөлгөөний хүрээнд байгууллага, аж ахуйн нэгж, иргэдийн гаргаж байгаа аливаа санал, санаачилгыг Ерөнхийлөгчийн Тамгын газар бүх талаар дэмжиж, хамтран ажиллана гэдгийг Ерөнхийлөгчийн Хэвлэл мэдээллийн албаны дарга Ө.Золбаяр хэллээ.
-
Тод мэдээ2023/04/12
ЗГ: Эмнэлэгт иргэнийг илгээх 13A маягтыг цахимжуулав
-
Өнөөдөр2021/03/12
БНХАУ-ын ӨМӨЗО-оос 60 мянган амны хаалт, 20 мянган бээлий, 210 мянган юань ханди...
-
Тод мэдээ2021/05/07
Ковид цар тахлын үед хууль, дүрмийн гадуур байж болно гэсэн ямар ч заалт УИХ-ын ...
-
Тод мэдээ2022/04/26
УИХ: Ажлын хэсгүүдийн хуралдаан болно
Сэтгэгдэл