Тод мэдээ
Таны хүүхдийн бүтээлч сэтгэлгээг дэмжиж, оюуны болоод гоо зүйн мэдлэг олгох номнуудыг заавал хүүхдэдээ авч өгөөрэй
Хэдхэн хоногийн дараа хүүхдийн баяр болно. Энэ үеэр хүүхдэдээ өгөх хамгийн гоё бэлэг бол танин мэдэхүй, гоо зүйн боловсрол олгох ном билээ. Тэгвэл энэ асуудлыг шийдвэрлэж хүний их эмч, доктор Э.Ариунболд таны хүүхдийн оюунд томоохон хөрөнгө оруулалтыг бий болгох номнуудыг бүтээсэн байна.
Эдгээр номыг зөвхөн хүүхдүүд төдийгүй гэр бүлээрээ хэрэглэж, бүтээлч сэтгэлгээгээ хөгжүүлэх боломжтой. Ингэснээр гэр бүлийн халуун дулаан уур амьсгал бий болно. Таны хүүхэд утас, компьютер зурагтаас хол байж бүтээлч сэтгэлгээ бий болох юм.
Таны хүүхэд 5-10 насны бол зураг ихтэй, будаж, өөрсдөө бүтээх ном бэлэглэвэл хамгийн тохиромжтой.
Тэгвэл Хувцас загварын Сисси (хайчилбар ном) маань хэвлэгдэн гарчээ. Энэхүү номоороо дамжуулан хүүхэд багачуудын гоо зүй, загварын болон урлагийн мэдрэмжийг дээшлүүлэх, гарын ур дүйг нэмэгдүүлэн хайчилбараар хувцас урлаж буй мэт мэдрэмжийг олгох, загвар болон өнгөний зохицолдолгоог бий болгон моделоо хүссэнээрээ хувцаслах боломжийг олгож байна. Тус хайчилбар ном нь Монголд анх удаа хамгийн олон хуудастай хэвлэгдэн гарч буй юм. Хуудас тус бүр дээр дахин давтагдашгүй гоёлын, өдөр тутам, үндэсний, спорт, гоёл чимэглэл зэрэг нийт 1000 гаруй хувцас загвартай өнгөт хуудастай. Бүтээлч сэтгэлгээ болоод гоо зүйн өргөн мэдлэг олгоно. Үнэхээр гайхалтай биш гэж үү. Охидуудтай эцэг эхчүүдийн заавал авч өгөх ном болж байна.
Харин таны хүүхэд 3-7 хүртэлх насны бол буддаг ном хамгийн тохиромжтой. Тэгвэл тэдэнд зориулсан маш гоё зузаан ном бас байна.
Буддаг ном дэлхийн шилдэг 80 хүүхэлдэйн киноны 1000 гаруй баатартай 320 нүүр буддаг номыг танилцуулж байна.
Буддаг ном дээрх хүүхэлдэйн хэлбэр дүрсүүдийг хүрээнд нь багтаан нарийвчлан будах нь үсэг, тоо бичиж сурах дадал үүсгэх, хүүхэд анхаарлаа төвлөрүүлэн сууж сурах, орон зайн баримжаа хөгжих зэрэг маш олон давуу талтай, түүнчлэн бүх насны хүмүүсийн стресс тайлах онцгой үр дүнтэй аргуудын нэг учир гэр бүлээрээ будаж зурахад тохиромжтой юм.
Гадаа хэлийг анхлан суралцаж байгаа хүүхэд багачуудад хамгийн их хэрэгтэй, бас сонирхолтой “Зургаан орны зурган толь бичиг” хэмээх номыг танилцуулж байна.
Энэхүү ном нь бүх насныхны хэлний мэдлэгийг дээшлүүлэх, 6 орны хэлнээс өөрийн хүсэл, мөрөөдөлдөө уялдуулан хүссэн хэлээ эсвэл нэг дор бүгдийг суралцах боломжийг олгосон юм.
Монголд анх удаа зургаан орны хэл дээр хэвлэгдэж буй зурагт толь бичигтээ гадаад хэлийг суралцаж эхлэхэд хамгийн түрүүнд нэн хэрэгтэй буюу өргөн хэрэглэгддэг 6 орны 3000 гаруй үгсийг сонгон авлаа.
Гадаад хэлийг анхлан суралцаж байгаа хэн бүхэн, түүнчлэн эцэг эхчүүд өөрсөддөө болон бяцхан үрсийнхээ оюунд хөрөнгө оруулах хамгийн зөв сонголт байна гэдэгт итгэлтэй байна.
Та хүүхдэдээ оюуны болоод гоо зүйн маш том бэлэг барихыг хүсвэл эдгээр номноос худалдан авалт хийгээрэй. Гэртээ ч хүргүүлэн авах боломжтой. Захиалга өгөхдөө утсаар болон Khuuhdiin nom пэйж хуудасны чатаар холбогдон өгнө үү. УТАС: 90190332, 90306202
Борлуулах цэгүүд: Аз хур номын их дэлгүүр /бүх салбар/, Интер номын их дэлгүүр /бүх салбар/, Мир номын их дэлгүүр /бүх салбар/, Мажестик номын дэлгүүр /бүх салбар/, Alpha book номын их дэлгүүр /бүх салбар/, Bookzone номын их дэлгүүр
Тод мэдээ
Сүхбаатар дүүрэгт 37228 ам.метр явган хүний замын засвар, арчлалтыг энэ сарын 20-ноос эхлүүлнэ
Нийслэлээс явган замын арчлалтыг сайжруулах үүднээс байршлууд дээр нь очиж тогтмол ажиллаж байгаа. Тухайлбал, энэ сарын 17-ны өдөр Улаанбаатар хотын Ерөнхий менежер бөгөөд Захирагчийн ажлын албаны дарга Г.Батзориг болон холбогдох албаныхан хотын гол, гудамж замын зарим байршилд явган замын нөхцөл байдалтай танилцаж, үүрэг чиглэл өглөө.
Сүхбаатар дүүргийн 8 дугаар хороонд ажиллахдаа явган замгүй байршлуудад хэрхэн явган зам гаргах, иргэдийн хөдөлгөөний аюулгүй байдлыг хангах асуудлаар Сүхбаатар дүүргийн Засаг даргын орлогч У.Өнөрцэцэг болон албаны хүмүүстэй ярилцлаа.
Энэ үеэр Сүхбаатар дүүргийн Засаг даргын орлогч У.Өнөрцэцэг “Нийслэлийн Засаг даргаас өгсөн үүрэг даалгаврын дагуу өнгөрсөн амралтын өдрүүдээр дүүргийн Тамгын газар, хороодын ажлын албатай хамтарч Сүхбаатар дүүргийн 1-11 дүгээр хорооны 355 байршилд 37228 ам.метр талбайн явган хүний зам талбайн арчлалтыг шалгасан. Явган хүний замын хавтангуудын арчлалтыг сайжруулах, засварлах шаардлагатай хэсгүүдэд ажлыг энэ сарын 20-ноос эхлүүлж, үе шаттай явуулна. Эхний ээлжид Сүхбаатар дүүргийн Бага тойруугаас Их тойруу доторх явган хүний замыг засварлана. Багшийн дээдийн хойно Спортын төв ордны арк дээр иргэдээс гомдол их ирдэг. Автомашин явах хоёр урсгал замтай ч хажуугаар нь явган хүний зам байдаггүй. Тиймээс иргэд, орчмоор нь зорчиж байгаа оюутнуудад зорчиход хүндрэлтэй. Энэ хэсэгт мэргэжлийн байгууллагын дүгнэлт гаргуулж, явган хүний замыг хийхээр төлөвлөж байна” гэлээ.
Сүхбаатар дүүргийн хэмжээнд Энхтайваны өргөн чөлөө буюу Арслантай гүүрний баруун талаас Баруун 4 зам хүртэлх явган хүний замыг шинэчлэх ажлыг эхлүүлсэн. Гэрээнд заасан хугацааны дагуу ажлууд хийгдэнэ. МУИС-ийн баруун талаас Засгийн газрын ордны зүүн талд байрлах “Галлериа Улаанбаатар”-ын урд талын хэсэг, СТӨ-ний ард талын хэсгийн явган замын ажлуудыг нийслэлийн Хөрөнгө оруулалтын газраас хяналт тавин гүйцэтгэж байна.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Тод мэдээ
Туул, Тэрэлж, Хэрлэн гол дагуу хөдөлгөөнт болон завьт эргүүл ажиллаж эхэллээ
Нийслэлийн Засаг даргын 2025 оны “Гол, усны ослоос урьдчилан сэргийлэх талаар авах зарим арга хэмжээний тухай” захирамжийг хэрэгжүүлэх ажлын хүрээнд өнөөдрөөс Туул, Тэрэлж, Хэрлэн гол дагуу хөдөлгөөнт болон завьт эргүүл ажиллаж эхэллээ.
Тодруулбал, нийслэлийн Онцгой байдлын газар, нийслэлийн Цагдаагийн удирдах газар, дүүргүүдийн Хүүхэд, гэр бүлийн хөгжлийн хэлтсийн алба хаагчид Туул, Тэрэлж, Хэрлэн гол дагуу 9 чиглэлд ирэх есдүгээр сарын 21-ний өдрийг дуустал хөдөлгөөнт болон завьт эргүүл ажиллах юм. Энэ жилээс Сэлбэ гол дагуу хөдөлгөөнт эрүүл ажиллана. Нийслэлийн хэмжээнд гол, усны ослоос аврах, урьдчилан сэргийлэх завьт болон хөдөлгөөнт эргүүл 15 дахь жилдээ ажиллаж байна.
НИЙСЛЭЛИЙН ОНЦГОЙ КОМИСС
Тод мэдээ
Сүхбаатарын талбайн хоёр талын явган хүний замыг шинэчлэх ажил үргэлжилж байна
Нийт 15 байршилд явган хүний замыг байгалийн чулуун хавтангаар шинэчлэх ажил үргэлжилж байна. Үүний нэг болох Сүхбаатарын талбайн хоёр талын 5012 ам.метр талбай бүхий явган хүний зам засварын байршилд холбогдох албаныхан ажиллалаа.
Тухайн байршилд ажилласан УБЗАА-ны Тохижилт, хог хаягдлын удирдлагын газрын дарга Г.Билгүүн “Нийслэл хотын хэмжээнд төв магистрал зургаан гудамжинд байгалийн чулуун хавтангаар явган хүний зам хийж байна. Тухайлбал, Төв шуудангийн уулзвараас Сүхбаатарын талбайг тойрсон явган хүний замыг тодорхой хэсгүүдэд хувааж, ажлыг үргэлжлүүлж байгаа юм. Ажил гүйцэтгэхдээ явган зорчигчийн хөдөлгөөнд саад учруулахгүйн тулд иргэд чөлөөтэй зорчих гарцыг гаргасан” гэлээ.
Түүнчлэн явган замыг байгалийн боржин чулуун хавтангаар шинэчлэхдээ галаар шатаах, цохилттой дрилл ашиглан барзгар гадаргуу үүсгэх байдлаар технологийн шинэчлэлтийн ажлыг зарим шаардлагатай хэсэгт оруулж өгч байгааг ажил гүйцэтгэгчид хэллээ.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
-
Чөлөөт бүс2021/12/14
My People, My Homeland
-
Тод индэр2023/10/04
Б.Мөнхтамир: Улаанбаатар-Бээжин чиглэлийн нислэгээ 26 хувиар, бусад чиглэлд 10-1...
-
Өнөөдөр2024/06/04
Улаанбаатарт өдөртөө 30 хэм дулаан
-
Тод мэдээ2023/04/14
Хан-Уул дүүрэг дэх цагдаагийн газарт эрүү шүүлт тулгахгүй байхыг шаардаж мэдэгдэ...