Тод мэдээ
Коронавируст халдвар батлагдсан (хөнгөн хэлбэр) чихрийн шижинтэй өвчтөнд өгөх зөвлөмж
Коронавируст халдвар батлагдсан (хөнгөн хэлбэр) чихрийн шижинтэй өвчтөнд өгөх зөвлөмжийг хүргэе.
- Цаг алдалгүй эмнэлэгт хандаж мэргэжлийн эмчийн зөвлөгөөг авч эмчилгээ эхлэх;
- Халдвараас сэргийлэх, хяналтын дэглэм барих
- Өөрийгөө аль болох тусгаарлах;
- Эрүүл зөв хооллох;
- Сайн унтаж амрах;
- Халуун, бүлээн шингэн зүйл ойр ойрхон уух;
- Гэрийн салхивч, цонхыг нээж, агааржуулалтыг тогтмол хийх;
- Цусанд сахар ихсэх, багасах үед гардаг аюултай шинж тэмдгүүдийг мэддэг байх, илэрсэн тохиолдолд цаг алдалгүй эмчид мэдээлэх;
- Биеийн байдлын талаар эрүүл мэндийн ажилтанд тогтмол мэдээлэх;
- Цусны сахар, артерийн даралт, биеийн халууныг тогтмол өөрөө хянаж тэмдэглэл хөтлөн мэдээлэх;
- Эмийн нөөцтэй байх;
Дараах шинж тэмдэг нэмэгдэн илэрвэл шинж тэмдгийг ажиглан тэмдэглэнэ:
• Амьсгалаа тогтмол тоолж, амьсгал дутагдлын эхний үед илрэх дараах шинж тэмдгүүдийг мэддэг байх. Үүнд:
- амьсгалын тоо ≥22 удаа/мин
- ердийн ачааллын үед амьсгаадах
- цээж давчдах
- бүтэн өгүүлбэрээр ярьж чадахгүй болох
• Цусны сахар бууруулах эмээ эмчийн зааврын дагуу таслахгүй уух;
• Бусад шинж тэмдгийн эмийг эмчийн зааврын дагуу хавсруулан уух;
• Цусанд сахар хэт ихсэх үед илрэх шинж тэмдэг:
- Ам цангах, их шээлгэх, ядарч сульдах зовиурууд хүчтэй илэрнэ.
Авах арга хэмжээ:
- Цусан дахь сахарыг ойр ойрхон үзэж эмчээс зөвлөгөө авна.
- Цусан дахь сахарын хэмжээ өндөр байгаа үед комоос сэргийлж их хэмжээний чихэргүй шингэн ууна.
• Цусанд сахар хэт багасах үед илрэх шинж тэмдэг:
- Хөлрөх, өлсөх мэдрэмж төрөх, зүрх дэлсэх, бие сулрах, толгой эргэх, гар хөл салганах, царай цонхийх, толгой өвдөх, уруул ам бадайрч чимчигнэх
• Авах арга хэмжээ:
- Жүрж, алим, усан үзэм зэрэг жимсний шүүс уух буюу 3-4 ширхэг ёотон иднэ.
- Хийж буй аливаа биеийн хүчний ачааллыг зогсооно.
- Шинж тэмдэг арилсны дараа хоол иднэ.
- Цусан дахь сахарын хэмжээг дахин шалгана.
- Шалтгааныг олж тогтооно.
Тод мэдээ
Сүхбаатар дүүрэгт 37228 ам.метр явган хүний замын засвар, арчлалтыг энэ сарын 20-ноос эхлүүлнэ
Нийслэлээс явган замын арчлалтыг сайжруулах үүднээс байршлууд дээр нь очиж тогтмол ажиллаж байгаа. Тухайлбал, энэ сарын 17-ны өдөр Улаанбаатар хотын Ерөнхий менежер бөгөөд Захирагчийн ажлын албаны дарга Г.Батзориг болон холбогдох албаныхан хотын гол, гудамж замын зарим байршилд явган замын нөхцөл байдалтай танилцаж, үүрэг чиглэл өглөө.
Сүхбаатар дүүргийн 8 дугаар хороонд ажиллахдаа явган замгүй байршлуудад хэрхэн явган зам гаргах, иргэдийн хөдөлгөөний аюулгүй байдлыг хангах асуудлаар Сүхбаатар дүүргийн Засаг даргын орлогч У.Өнөрцэцэг болон албаны хүмүүстэй ярилцлаа.
Энэ үеэр Сүхбаатар дүүргийн Засаг даргын орлогч У.Өнөрцэцэг “Нийслэлийн Засаг даргаас өгсөн үүрэг даалгаврын дагуу өнгөрсөн амралтын өдрүүдээр дүүргийн Тамгын газар, хороодын ажлын албатай хамтарч Сүхбаатар дүүргийн 1-11 дүгээр хорооны 355 байршилд 37228 ам.метр талбайн явган хүний зам талбайн арчлалтыг шалгасан. Явган хүний замын хавтангуудын арчлалтыг сайжруулах, засварлах шаардлагатай хэсгүүдэд ажлыг энэ сарын 20-ноос эхлүүлж, үе шаттай явуулна. Эхний ээлжид Сүхбаатар дүүргийн Бага тойруугаас Их тойруу доторх явган хүний замыг засварлана. Багшийн дээдийн хойно Спортын төв ордны арк дээр иргэдээс гомдол их ирдэг. Автомашин явах хоёр урсгал замтай ч хажуугаар нь явган хүний зам байдаггүй. Тиймээс иргэд, орчмоор нь зорчиж байгаа оюутнуудад зорчиход хүндрэлтэй. Энэ хэсэгт мэргэжлийн байгууллагын дүгнэлт гаргуулж, явган хүний замыг хийхээр төлөвлөж байна” гэлээ.
Сүхбаатар дүүргийн хэмжээнд Энхтайваны өргөн чөлөө буюу Арслантай гүүрний баруун талаас Баруун 4 зам хүртэлх явган хүний замыг шинэчлэх ажлыг эхлүүлсэн. Гэрээнд заасан хугацааны дагуу ажлууд хийгдэнэ. МУИС-ийн баруун талаас Засгийн газрын ордны зүүн талд байрлах “Галлериа Улаанбаатар”-ын урд талын хэсэг, СТӨ-ний ард талын хэсгийн явган замын ажлуудыг нийслэлийн Хөрөнгө оруулалтын газраас хяналт тавин гүйцэтгэж байна.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Тод мэдээ
Туул, Тэрэлж, Хэрлэн гол дагуу хөдөлгөөнт болон завьт эргүүл ажиллаж эхэллээ
Нийслэлийн Засаг даргын 2025 оны “Гол, усны ослоос урьдчилан сэргийлэх талаар авах зарим арга хэмжээний тухай” захирамжийг хэрэгжүүлэх ажлын хүрээнд өнөөдрөөс Туул, Тэрэлж, Хэрлэн гол дагуу хөдөлгөөнт болон завьт эргүүл ажиллаж эхэллээ.
Тодруулбал, нийслэлийн Онцгой байдлын газар, нийслэлийн Цагдаагийн удирдах газар, дүүргүүдийн Хүүхэд, гэр бүлийн хөгжлийн хэлтсийн алба хаагчид Туул, Тэрэлж, Хэрлэн гол дагуу 9 чиглэлд ирэх есдүгээр сарын 21-ний өдрийг дуустал хөдөлгөөнт болон завьт эргүүл ажиллах юм. Энэ жилээс Сэлбэ гол дагуу хөдөлгөөнт эрүүл ажиллана. Нийслэлийн хэмжээнд гол, усны ослоос аврах, урьдчилан сэргийлэх завьт болон хөдөлгөөнт эргүүл 15 дахь жилдээ ажиллаж байна.
НИЙСЛЭЛИЙН ОНЦГОЙ КОМИСС
Тод мэдээ
Сүхбаатарын талбайн хоёр талын явган хүний замыг шинэчлэх ажил үргэлжилж байна
Нийт 15 байршилд явган хүний замыг байгалийн чулуун хавтангаар шинэчлэх ажил үргэлжилж байна. Үүний нэг болох Сүхбаатарын талбайн хоёр талын 5012 ам.метр талбай бүхий явган хүний зам засварын байршилд холбогдох албаныхан ажиллалаа.
Тухайн байршилд ажилласан УБЗАА-ны Тохижилт, хог хаягдлын удирдлагын газрын дарга Г.Билгүүн “Нийслэл хотын хэмжээнд төв магистрал зургаан гудамжинд байгалийн чулуун хавтангаар явган хүний зам хийж байна. Тухайлбал, Төв шуудангийн уулзвараас Сүхбаатарын талбайг тойрсон явган хүний замыг тодорхой хэсгүүдэд хувааж, ажлыг үргэлжлүүлж байгаа юм. Ажил гүйцэтгэхдээ явган зорчигчийн хөдөлгөөнд саад учруулахгүйн тулд иргэд чөлөөтэй зорчих гарцыг гаргасан” гэлээ.
Түүнчлэн явган замыг байгалийн боржин чулуун хавтангаар шинэчлэхдээ галаар шатаах, цохилттой дрилл ашиглан барзгар гадаргуу үүсгэх байдлаар технологийн шинэчлэлтийн ажлыг зарим шаардлагатай хэсэгт оруулж өгч байгааг ажил гүйцэтгэгчид хэллээ.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
-
Өнөөдөр2021/05/27
Өнөөдөр Улаанбаатарт дархлаажуулалтын суурин 56, явуулын нэг цэг ажиллана
-
Өнөөдөр2022/12/08
Үс шинээр үргээлгэх буюу засуулбал өлзийтэй сайн
-
Тод мэдээ2020/10/14
“Сэлэнгэ-2020” тактикийн хээрийн сургууль 13 дахь жилдээ зохион байг...
-
Тод мэдээ2023/06/19
Ашигладаггүй тээврийн хэрэгслээ улсын бүртгэлээс хасуулаарай