Тод индэр

Н.Энхбаяр: Х.Баттулга оффшортой нь үнэн бол огцрох ёстой

Огноо:

4 жил 3 сар.өмнө

2021/02/04

Сэтгүүлч:

Тодотгол

Монгол Улсын Ерөнхийлөгч Х.Баттулга 2017 онд “улстөрчид, тэдний хамаарал бүхий этгээдүүдийн оффшорт нуусан 17 сая ам долларыг Монголд оруулж ирнэ, хариуцлага тооцно” хэмээн амлалт өгч, ард түмэн түүнд итгэл үзүүлэн төрийн тэргүүнээр сонгож байлаа. Гэтэл бүрэн эрхийн хугацаа нь дуусгавар болох үед амлалтуудаасаа нэгийг нь ч биелүүлээгүйн дээр өөрөө оффшор бүсэд компанитай гэх мэдээлэл олон нийтийн дунд түймэр мэт тархаад байгаа билээ.

Монгол Улсын Ерөнхийлөгч Х.Баттулгыг ард түмний эв нэгдлийг илэрхийлэгч төрийн тэргүүний хувиар оффшор бүсэд нуусан хөрөнгөтэй бол огцорч хариуцлага хүлээх ёстой гэдгийг ард түмэн эхнээсээ шаардаж эхлэв. Тодруулбал Монгол Улсын гурав дахь Ерөнхийлөгч асан Н.Энхбаяр өнөөдөр Х.Баттулга оффшортой нь үнэн бол огцрох ёстой, байхгүй бол байхгүй гэдгээ нотлох хэрэгтэй хэмээн байр сууриа илэрхийлжээ.

Тэрбээр “Ард түмэндээ хэлж өгье маш нууц мэдээлэл. Х.Баттулга яг юу хэлсэн яг тэрийг нь л шалгачих. Хэлж байгаа зүйл нь хийж байгаа ажил нь яв цав нийлж байна уу үгүй юу. Уг нь алган дээр байгаа ИЛ ЗАРЧИМ. Х.Баттулга гэдэг хүн оффшортой тэмцэж байгаа бол, өөрөө оффшорт мөнгөтэй бол хамгийн эхэнд өөрийнхөө мөнгийг оруулж ирээд ард түмэндээ өг. Дараа нь бусдын оффшорыг шалгаж тогтоогоод, луйварын мөнгө байвал хурааж аваад ард түмэнд зарцуулах ёстой. Английн Ерөнхий сайд байсан Камерон өөрөө биш аав нь оффшор бүсэсд данстай байсан. Ард түмэн аавтайгаа нэг л байж таарна гэж хардсан учир Камерон шууд огцорсон. Манайхан болохоор огцордоггүй. Улам албан тушаал ахиад нуусан мөнгөөрөө гадаадад өмч хөрөнгө худалдан авч, ямар нэгэн байдлаар сонгуульдаа тойруу замаар ашиглаж, улам төрийн өндөр албан тушаалд шигдээд байдаг. Үнэхээр оффшор данстай бол Х.Баттулга Ерөнхийлөгч огцрох ёстой. Тэрийгээ шалгуулах ёстой” хэмээжээ.

Дараах мэдээ

Д.Мөнх-Эрдэнэ: Женко АН-ыг ашиглаж дуусчхаад өөр хүмүүстэй нийлж унагаадаг “ТҮГЖИЛ”

Өмнөх мэдээ

ШӨХТГ: НӨАТ IT ажилтан 36 удаагийн үйлдлээр их хэмжээний мөнгө хожоогүй нь тогтоогдлоо

Дэлгэрэнгүй унших

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Тод индэр

Н.Мөнхбаяр: Сэлбэ дэд төвийн газар чөлөөлөлтөөс татгалзсан 30 орчим иргэн байна

Огноо:

5 өдрийн өмнө

2025/04/30

Сэлбэ дэд төвийн гэр хорооллыг орон сууцжуулах төслийг Чингэлтэй дүүргийн 14, 18 дугаар хороо, Сүхбаатар дүүргийн 14 дүгээр хорооны нутаг дэвсгэрийн 158 га талбайд хэрэгжүүлж буй.

Энэ хүрээнд 2206 нэгж талбарыг чөлөөлөхөөс 1736 иргэнтэй нөхөн олговрын гэрээ байгуулж, нөхөх олговрыг олгоод байна.

Энэ талаар нийслэлийн Газар зохион байгуулалтын албаны Газар чөлөөлөх хэлтсийн дарга Мөнхбаяр “Сэлбэ дэд төвийн 158 га газрын нөлөөлөлд 2206 иргэний газар өртсөн. Өнгөрсөн оны гуравдугаар сарын 18-нд иргэдээс нийгэм, эдийн засгийн судалгаа болон санал асуулга авч, 70-аас дээш хувийн дэмжлэг авсан тул төслийн газар чөлөөлөлтийн ажлыг эхлүүлсэн. Өнөөдрийн байдлаар 1736 иргэнтэй нөхөн олговрын гэрээ байгуулж, иргэдийн мөнгийг дансанд нь шилжүүлсэн. Үүнээс 1562 айл байсан газрыг чөлөөлж цэвэрлээд байна” гэлээ.

Мөн газар чөлөөлөөгүй 280 орчим нэгж талбар үлдсэн бөгөөд үүний 30 орчим нь уг төслийг огт дэмжээгүй байна. Иймээс эдгээр иргэдтэй өдөр бүр уулзаж, сонсох ажиллагаа хийж байгааг хэллээ.

Дэлгэрэнгүй унших

Тод индэр

Я.Чулуунхүү: Эзэнгүй нохой, муурыг барьж, иргэдийн аюулгүй орчинд амьдрах орчныг бүрдүүлж байна

Огноо:

6 өдрийн өмнө

2025/04/28

Нийслэлийн иргэдийн эрүүл, аюулгүй орчинд амьдрах нөхцөлийг бүрдүүлэх зорилгоор эзэнгүй нохой, муур, мал амьтныг барьж, асрамжлах газарт байрлуулах ажлыг дөрөвдүгээр сарын 24-28-ны өдрүүдэд зохион байгуулж байна. Энэ талаар УБЗАА-ны Захиргаа, санхүүгийн удирдлагын газрын дарга Н.Отгонбаяраас тодрууллаа.

Тэрбээр “2025 онд НЗДТГ болон Улаанбаатар хотын Захирагчийн ажлын албанд эзэнгүй нохой, мууртай холбоотой гомдол олноороо ирсэн. Тиймээс нийслэлийн Засаг даргын захирамжаар эзэнгүй нохой, муурыг эзэнжүүлэх, түр асрах байранд хүргэх, анхан шатны вакцин хийх, туулга өгөх, үржлийг хязгаарлах үйлчилгээ үзүүлж байна. Нохой, муур барих ажилд нийслэлийн зургаан дүүргийн онцгой, цагдаагийн албан хаагчид болон УБЗАА, нийслэлээс холбогдох албаныхан 1000 гаруй хүн ажиллаж байна. Энэ удаагийн байршил СХД-ийн 20 дугаар хорооноос эхэлж, Туулын бургаснаас хойш самнах ажиллагаа явуулж байна” гэлээ.

Сонгинохайрхан дүүргийн 20 дугаар хорооны Засаг дарга Я.Чулуунхүү “Нийслэлийн Засаг даргын захирамжаар нохой, муур барих, эзэнжүүлэх арга хэмжээ 20 дугаар хороонд хоёр дахь өдрөө үргэлжилж байна. Манай хороо гэр хороолол, байшин хороолол, үйлдвэрлэлийн бүс ихтэй. Үйлдвэрлэлийн бүсэд эзэнгүй нохой, муур олон байдаг. Бага насны хүүхдүүдийг хичээл сургуульдаа явахад айлгадаг. Тиймээс нохой, муур барих ажил иргэдийн аюулгүй орчинд амьдрах нөхцөлийг бүрдүүлэх чухал ач холбогдолтой” гэв.