Бидэнтэй нэгдэх

Чөлөөт бүс

Жимсийг буцалсан бүлээн усаар угааж хэрэглээрэй

Огноо:

,

Сэтгүүлч:

Сүүлийн үед хоол, хүнсний гаралтай хордлого, халдварын гаралт нэмэгдэж байгаатай холбогдуулан нийт ард иргэддээ сэрэмжлүүлж, дараах зөвлөмжийг өгч байна.  Үүнд:

  • Хоол хүнсийг худалдаж авахдаа сонголтыг зөв хийх
  • Хүнсний бүтээгдэхүүнийг ариун цэвэр, эрүүл ахуйн шаардлага хангасан, хөргөх, хөлдөөх тоног төхөөрөмжөөр хангагдсан, зориулалтын ажлын байр бүхий үйлчилгээний газраас худалдан авах,
  • Хүнсний бүтээгдэхүүний үйлдвэрлэсэн он, сар, өдөр, хадгалалтын хугацаа, нөхцөл зэргийг харж, хаяг, шошгогүй, хаана хэн, хэзээ үйлдвэрлэсэн нь тодорхойгүй, гар дээрээс худалдаж буй хүнс, хоолыг авахгүй байх,
  • Шаардлагатай бол худалдаа, үйлчилгээний ажилтнаас хүнсний бүтээгдэхүүний талаар мэдээлэл, зөвлөгөө авч, гарал, үүсэл, чанар, аюулгүй байдлын баталгаажилтын баримт бичгийг шаардаж үзэх,
  • Хүнсний бүтээгдэхүүний хадгалалтад анхаарах, богино хугацаанд чанар байдлаа алддаг, хадгалалт, тээвэрлэлтийн тусгай нөхцөл шаарддаг  өндөг, майонез, өндөг агуулсан бүтээгдэхүүн, мөхөөлдөс, кремтэй бялуу, жигнэмэг зэрэг хүнсийг хөргөгч, хөргүүрт хадгалсан үйлчилгээний газраас худалдан авах, эдгээр хүнсийг ТҮЦ зэрэг газраас худалдан авахгүй байх,
  • Гудамж талбайд ил задгай худалдаалж буй хүнсний бүтээгдэхүүн худалдан авахгүй байх,
  • Нөөшилсөн хүнсний бүтээгдэхүүний таглаа, ёроолын хэсэг хонхойж, төмбийсөн, ан цав үүсч гэмтсэн, тундас үүссэн бол худалдаж авахгүй байх,
  • Хоолыг гүйцэд чанаж болгосны дараа тэр даруйд нь хэрэглэх, хоносон хоол идэхгүй байх, боловсруулсан хүнсийг хөргөгчид 040С-өөс доош хэмд таглаатай саванд хийж хадгалах, 3-6 цагаас дээш хугацаа өнгөрмөгц устгах,
  • Хоол хүнсийг бэлтгэх,  хэрэглэх  зөв дадал эзэмших, хоол хүнсийг бэлтгэх, хэрэглэхийн өмнө гараа заавал угаах, 
  • Мах, ногоо зэрэг түүхий бүтээгдэхүүн, бэлэн, боловсруулсан хүнс бэлтгэдэг ванданг тус тусад нь ууттай байлгах.
  • Түүхий, болсон хүнсний зүйлийг бэлтгэх багаж, сав, хэрэгслийг хэрэглэхийн өмнө ба дараа нь угааж, цэвэрлэж хэвших.
  • Жимсийг буцалсан бүлээн усаар зайлж хэрэглэх.
  • Усыг сайтар буцалгаж хэрэглэх, ус хадгалах савыг 2-3 хоногт суллан угааж цэвэрлэх,
  • Хоол хүнсний зүйлийг ахуйн цэвэрлэгээний зүйлс, химийн бодисын ойролцоо хадгалахгүй байх зэрэг болно.

Эх сурвалж: МХЕГ

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Чөлөөт бүс

Дотуур өмдөндөө мөнгөө нуусан сенатын гишүүн

Огноо:

,

Бразилын хууль, хүчний байгууллагынхан тус улсын сенатын гишүүний дотуур өмдөндөө нуусан мөнгийг нэгжлэгийн явцад илрүүлсэн байна.

Тодруулбал, Бразил Улсын Ерөнхийлөгчийн ойрын хамсаатан сенатын гишүүн Чико Родригесын гэрт нэгжлэг хийх явцад түүний дотуур өмдөндөө 2000 фунт стерлинг болон гэрийнхээ сейфэнд нуусан 4650 фунт стерлинг зэргийг хураан авч түүнийг баривчлаад байна.

Родригес нь сенатын дэд даргын албыг хашиж байсан юм.

Дэлгэрэнгүй унших

Чөлөөт бүс

Суулгалт өвчнөөс сэргийлье

Огноо:

,

Суулгалт гэдэг нь хоногт гурав ба түүнээс олон удаа эмгэг хольцтой (ус, цус, боловсорч гүйцээгүй хоолны үлдэгдэл, залхаг гэх мэт) хүндрэхийг хэлдэг. Үүнд:

  • Цочмог суулгалт /14 хоног хүртэл үргэлжилсэн/,
  • Архаг суулгалт /14 хоногоос дээш үргэлжилсэн/ гэж ангилна.

Суулгалт нь таваас доош насны хүүхдийн өвчлөл, эндэгдлийн тэргүүлэх шалтгааны нэг бөгөөд дэлхий дээр жилд 200 мянган хүүхэд тус өвчнөөс болж эндэж, олон мянган хүүхэд эмнэлэгт хэвтэн эмчлүүлж байна.

СУУЛГАЛТ ЯАГААД ҮҮСДЭГ ВЭ?

  • Вирус 80-90%
  • Нян 10-20%
  • Шимэгч 5%
  • Зарим эмийн гаж нөлөө 
  • Зарим төрлийн хоол хүнсний үл шимэгдэлт 
  • Хоол боловсруулах тогтолцоог гэмтээдэг эмгэгүүдээс үүсч болно.

РОТАВИРУСЫН ШАЛТГААНТ СУУЛГАЛТ ӨВЧИН ГЭЖ ЮУ ВЭ?

0-5 хүртэлх насны хүүхдийн суулгалт өвчний гол үүсгэгч нь Ротавирус юм. Ротавирус нь нарийн гэдсийг үрэвсүүлж, өнгөн ханыг устгаснаар шим тэжээл болон хүний биед ашигтай бактерийг биед шимэгдүүлэлгүй хөөн гаргадаг. Ингэснээр хүүхэд их хэмжээний ус, эрдэс, давсаа алддаг учир шингэний дутагдалд орж, хүүхдийн аминд аюул учрах эрсдэлтэй.

Ротавирусаар үүсгэгдсэн суулгалт өвчин хүнд хэлбэрт шилжих магадлал өндөр байдаг ба жилийн аль ч улиралд идэвхитэй хэлбэрт оршдог бөгөөд оргил үе нь хүйтний улирал буюу 11 дүгээр сараас 5 дугаар сар хүртэлх хугацаа байдаг.

ХАЛДВАРЛАХ ЗАМ:

  • Халдвартай хүн эсвэл орчны гадаргуу, эд зүйлсэд хүрэлцсэний дараа гараа угаахгүй байх,
  • Бохирлогдсон гараар хоол хүнс идэж, уух.

Насанд хүрэгчид ротавирусын халдвар авч болно. Гэхдээ хүүхдийг бодвол тийм ч нийтлэг бус. Учир нь бага насны хүүхдийг бодвол насанд хүрэгчид нь ариун цэврийн дэглэм харьцангуй сайн сахидаг.

ХАЛДВАРЫН НУУЦ ҮЕ:

  • Дунджаар 1-3 өдөр байна.
  • Үүсгэгч нь вирусыг тээгч хүнд хадгалагдаж байдаг бөгөөд өөрөө өвдөхгүй, эсвэл өвчий шинж тэмдэг бүдэг байдаг тул бусдад болон эргэн тойрондоо мэдэлгүйгээр халдвар тарааж явдаг.
  • Вирус нь ходоод гэдэсний замын салст бүрхүүлийн эс дотор өсөж үржин, баасаар гадаад орчинд ялгардаг.
  • Өвчтөн өвчний эхний өдрөөс л вирусыг гадаад орчинд тарааж эхлэх ба 7-8 өдрийн туршид ялгаруулдаг, шинж тэмдэггүй тээгч хэдэн сараар ч ялгаруулах нь бий.

Ротавирус нь хөлдөөх, өндөр темпуратурт, хлорын нэгдэлд амархан үхдэг. Баасанд долоон сар хүртэл, жимс жимсгэнэд 5-30 хоног хүртэл, янз бүрийн гадаргууд 10 хоног хүртэл, органик нэгдэлд 16 хоног хүртэл хадгалагддаг.

НИЙСЛЭЛИЙН ЭРҮҮЛ МЭНДИЙН ГАЗАР

Дэлгэрэнгүй унших

Чөлөөт бүс

Нууц нь тайлагдаагүй гайхмаар гэрэл зураг...

Огноо:

,

2011 оны хавар Канадын  "Bralone Pioneer Museum" нэртэй музейд тавигдсан зургуудаас нэг нь олны анхаарлыг ихэд татаж, маргаан үүсгэжээ. Өөрөөр хэлбэл, 1941 онд болсон гүүрийн нээлтийн үйл явдлыг буулгасан гэрэл зураг. Цугласан олны дунд нэг залуу зогсоно. Тэр залуу л өвөрмөц төрх байдлаараа олны анхаарлыг татаж орхисон юм. Түүнийг харсан хүмүүс ирээдүйгээс ирсэн хүн гэж үзэж байлаа. Залуугийн үс засалт тухайн үеийнхээс огт өөр, мөн хэвлэмэл эмблем бүхий футболка, загвар сайтай цамц, мөн XXI зууны загварын нарны шил зүүжээ.

Мэдээж 70 жилийн өмнө Канадад тийм загвараар хувцасладаг залуус байгаагүй. Гайхал төрүүлсэн уг гэрэл зургийг шинжээчид үзээд жинхэнэ эх зураг, ямар ч хуулбарлаж засварласан зүйлгүй гэсэн дүгнэлтэд хүрсэн юм. Өөрөөр хэлбэл,  “Ирээдүйгээс ирсэн залуу” үнэхээр гэрэл зураг авах үед хүмүүсийн дунд байсан гэсэн үг. Тэр залуугийн өөр нэг гайхширал татаж байгаа зүйл нь гэрэл зургийн аппарат. 1941 онд “Кодак” компани гэрэл зургийн аппарат гаргаж байсан хэдий ч одоогийнхтой адилхан авсаархан биш, гармошкоор нээж, хаагддаг төхөөрөмж байв. Нарны шилний тухайд 70 жилийн өмнө хүмүүс ийм шил бараг зүүдэггүй байсан.

Зүүдэг байсан ч зураг дээрхээс огт өөрийг... Гэхдээ мэргэжилтнүүд 1930-аад оны сүүлээр уулчид ийм төрлийн шил зүүдэг байсан хэмээн баталж байгаа. Бас нэг эргэлзээ төрүүлж байгаа нь хөвөн даавуун материалаар хийгдсэн, хэвлэмэл эмблемтэй футболка юм. Тухайн үед зөвхөн нэхмэл цамц, хатгаж оёсон эмблем л байдаг байжээ. Эцэст нь дүгнэж хэлэхэд, уг гэрэл зургийг харсан хүний 60 хувь нь залууг “Ирээдүйгээс ирсэн” гэж үзсэн бол 20 хувь нь гайхаад байх зүйл алга гэж өгүүлжээ. Харин үлдсэн хэсэг нь юу гэхээ ч мэдэхгүй байсан байна. Үнэхээр цаг хугацаагаар аялагчид гэж байдаг уу. Хэрвээ байхгүй гэж итгэл төгс хариулж чадах юм бол дээрх бүх тохиолдлыг хэрхэн тайлбарлах вэ. Энэ бүхэнд итгэх эсэхээ уншигч та л мэдэх хэрэг шүү...

Дэлгэрэнгүй унших

Санал болгох