Бидэнтэй нэгдэх

Тод зураг

Бейрутын дэлбэрэлтийн сансрын зураг

Огноо:

,

Сэтгүүлч:

2020 оны наймдугаар сарын 4-нд томоохон дэлбэрэлт Ливан улсын нийслэл Бейрут хотыг сүйтгэв. Дэлбэрэлтийн шалтгаан нь бордоонд ашигладаг нийтлэг химийн бодис болон уул уурхайн тэсрэх бодисын бүрэлдэхүүн хэсэг болох 2750 тонн аммиакийн нитрат байсан юм. Наймдугаар сарын 5-ны байдлаар 130 гаруй хүн амь үрэгдэж, 5000 орчим хүн шархаджээ. 300.000 гаруй хүнийг дэлбэрэлтийн улмаас нүүлгэн шилжүүлсэн байна. Хотын ихэнх хэсэгт цахилгаан тасарсан тул яаралтай тусламжийн ажилтнууд чадах зүйлээрээ хичээн ажиллаж байгаа ажээ. Ливаны засгийн газар уг үйл явдлаас улбаалан хоёр долоо хоногийн онц байдал зарласан байна. Дэлбэрэлт нь 200 км-ийн зайтай Кипр улсад мэдрэгдсэн бөгөөд асар том мөөгөн үүл үүсгэн, газрыг доргиожээ. Энэ чичиргээ нь 3.3 магнитудын хүчтэй газар хөдлөлтөөр бүртгэгдсэн байна.

Доорх зурагт уг дэлбэрэлтийн өмнөх болох дараах байдлыг сансрын хиймэл дагуулаас авсныг үзүүлж байна. Гамшгийн үеийн хэт өндөр нарийвчлалтай хиймэл дагуулын зураг нь хохирлын хэмжээг үнэлэх, гамшигийн талаархи тойм мэдээллийг шуурхай өгдөг тул яаралтай тусламжийн үйл ажиллагаанд чухал мэдээлэл болж чаддаг байна.

Зайнаас тандсан мэдээ буюу сансрын зураг нь байгалийн болон хүний үйл ажиллагаатай холбоотой гамшгаас урьдчилан сэргийлэх, тэдгээрийн менежментийг боловсруулах, хохирлын хэмжээг тооцоолох, гамшгийн эрсдлийг бууруулах зэрэг асуудлуудад өргөнөөр ашиглагдсаар байна. 

Зураг 1. 2020 оны 5-р сарын 1, (Planet lab image)

Зураг 2. 2020 оны 8-р сарын 5 (Planet lab image)

Зураг 3. Дэлбэрэлтийн өмнө, Worldview-2 satellite image

Зураг 4. Дэлбэрэлтийн дараа, Worldview-2 satellite image

Зураг 5. Дэлбэрэлтийн өмнө, Worldview-2 satellite image

Зураг 6. Дэлбэрэлтийн дараа, Worldview-2 satellite image

Идэвхтэй зайнаас тандан судлал буюу синтетик апертурт радарын (САР) Sentinel-1 хиймэл дагуулаас авсан зургийг боловсруулан дэлбэрэлтийн цар хэмжээ, хохирлыг тооцон гаргажээ. САР-ын технологи нь зургийг өдөр, шөнө, бороо, цас, утаа униартай нөхцөлд ч авч чаддагаараа давуу талтай юм. Зураг 7-д Бейрутад болсон дэлбэрэлтийн өмнөх болон дараах САР-ын зургуудыг үзүүлэв.

Зураг 7. САР-ын дэлбэрэлтийн өмнөх болон дараагийн зураг

Зураг 8. САР-ын зургийн кохирэнс болон эрчмийн мэдээллийг ашиглан тоон боловсруулалт хийж, дэлбэрэлтэнд өртсөн барилгуудыг тодорхойлсон байдал (улаан өнгөөр)

Зураг 9. Зүүн талын зурганд буй дэлбэрэлтэд тэсч үлдсэн уг байгууламж нь баруун зурган дээр улаан өнгөөр будагдаагүй байгаагаар дүрслэгдсэн байна.

Эх сурвалж: ШУА-ийн Газарзүй-Геоэкологийн хүрээлэн

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод зураг

Хорвоогийн хамгийн аймшигтай газрууд

Огноо:

,

Дэлхий дээр хамгийн сайхан гэх 100.500 газар байдаг ажээ. Тэгвэл энэ удаад хамгийн аймшигтай гэх  газрыг нэрлэж байна.
Вашингтон уулын оргил
Ийм газар ихэнхдээ гоё байдаг. Тэгвэл Америкийн зүүн умард хэсэгт орших Вашингтон хэмээх уулын оргил маш аймшигтай гэнэ. Оргилийн өндөр дөнгөж 1917 м. Гэсэн ч тэнд Эверестийн оргилоос ч илүү аюултай ажээ. Дэлхийн хамгийн хүчтэй салхитай газар юм. 1934 онд салхиний дээд хурд нь 372 км/цагт хүрсэн байдаг. Оргил дээр байх цаг агаарын станцын барилга нь 500 км/цагийн хурдтай салхийг тэсвэрлэх бат бөх юм байна.
 

Данакилийн хорт цөл
Этиопийн энэ хорт цөлийг тэнэгүүд л зорих байх. Нутгийн умард хэсэгт орших энэ газрыг үзсэн хүмүүс “хорвоо дээрх там” хэмээдэг. Данакилийг үзсэн хүн Марс гараг рүү нисэх шаардлагагүй дээ. Энэ цөлөөр аялах аминд маш аюултай. 50 хэмийн халуун, галт уулын халуун лав, хорт хий гээд аюул их.


Амиа хорлогчдын ой
Аокигахара хэмээх энэ ой Фужи ууланд байдаг. Энд ирэгсэд мөөг түүх гэж эсвэл шорлог хийх гэж ирдэггүй. Харин амьдралаасаа хагацах гэж ирдэг байна. Японд амиа хорлолт өндөр хувьтай байдаг. 1950-иад оноос энд амиа егүүтгэгчид ирдэг болжээ. Түүнээс хойш Аокигахарад ойролцоогоор 500 хүн “үйлчлүүлжээ”. Энд санамсаргүйгээр аялагсад амиа хорлож үхсэн хүмүүсийн араг яс, гавлын яс бүр цогцостой ч таардаг аж. Мөн энд “Та гэр бүлээ бод”, “Амьдрал бол юутай зүйрлэшгүй үнэт зүйл” “Та дахин нэг бодоорой” гэх утгатай самбарууд ч байрлуулсан байдаг гэнэ.


Хүчирхийллийн хот
Сомаил хүүхдүүдийн хайртай тоглоом нь Калашников автомат буу. Сомалийн нийслэл Могадишо хотод бараг бүх төрлийн хүчирхийллийг үйлдэж болно. Энгийн л үзэгдэл мэт болсон гэхэд болно. Хоолоо олж идэхийн тулд хүүхдүүд багаасаа зэвсэгт дээрэмчин болдог. Заримынх нь мөрөөдөл далайн дээрэмчин болох. Жилд 100 мянган хүн ямар нэгэн байдлаар амиа алдах нь ердийн л тоо гэнэ.    
Дэлгэрэнгүй унших

Тод зураг

Байгалийн сэдэвт шилдэг гэрэл зургуудаас...

Огноо:

,

2019 оны байгалийн хамгийн шилдэг гэрэл зургуудаас та бүхэнд хүргэж байна.

 

Дэлгэрэнгүй унших

Тод зураг

Амны хаалтаар ч "гангарч" болно

Огноо:

,

Дэлхий нийтээр коронавирусний цар тахлын дэгдэлтэд нэрвэгдэж, хүн бүр хувийн ариун цэврээ сайтар сахих шаардлага нэн тэргүүнд тулгараад байна. Тэгвэл энэхүү халдвараас өөрийгөө хамгаалах нэг чухал арга нь амны хаалтыг зөв зүүж хэрэглэж дадах явдал юм. Энэ ч тал дээр монголчууд ч хариуцлагатай хандах шаардлагатай байгаа нь гудамж талбайд яваа олны дүр төрхөөс харж болно.

Худалдаа үйлчилгээний газрууд амны хаалт зүүгээгүй хүнд үйлчлэхгүй гэх юм уу, байгууллагууд үйлчлүүлэгчдийг заавал амны хаалт зүүж байж дотогш нэвтрэхийг шаардах гэх мэт байдалд та бид нэгэнтээ дасаж, хэвшиж эхэлж байгаа ч иргэдийн тодорхой хэсэг нь амны хаалт зүүхгүй явж байгаа нь харамсалтай.

Мөн цаг үеийн эрэлт хэрэгцээг дагаад амны хаалт зөвхөн эрүүл мэндээ хамгаалах хэрэгсэл байхаас гадна гангараа болжээ. Та бүхэнд амны хаалтын чамин загваруудаас хүргэж байна.

Эцэст нь сануулахад амны хаалт чинь ямар ч гоё ганган байхаас илүүтэйгээр амьсгалын замын өвчлөл хүн амын дунд тархалт их, дэгдэлт өсөх магадлалтай байдаг хүйтэн, сэрүүний улирал хаяанд ирж буйтай холбогдуулан  өөрийгөө болон ойрын хүрээний хүмүүсээ халдвараас сэргийлэх зорилгоор хэрэглэхүйц, чанартай, эрүүл ахуйн стандартын бүх нөхцлийг хангасан байх нь нэн чухал юм шүү. Бүгд амны хаалтыг зөв зүүцгээе!

Дэлгэрэнгүй унших
сурталчилгаа
Чөлөөт бүс2020/09/21

Уйлж буй хүүхдийг бүү сэгсэр...

Тод индэр2020/09/21

“Эрдэнэт үйлдвэр” ТӨҮГ-ын Ерөнхий захирал Х.Бадамсүрэнд ...

Тод мэдээ2020/09/21

“Бид хамтдаа” хөтөлбөрийн хүрээнд Боловсролын салбарт 4 ...

Тод индэр2020/09/21

Манлай сумын иргэн У.Пагмадуламынх хувийн байшинтай боллоо

Тод мэдээ2020/09/21

Гадаад харилцааны сайд Н.Энхтайван ОХУ-д албан ёсны айлчлал хийж бай...

Тод мэдээ2020/09/21

Дархан, Сэлэнгийг газар тариалан, эрчимжсэн мал аж ахуйн бүс нутаг б...

Тод мэдээ2020/09/21

Ерөнхийлөгч Х.Баттулга Өлгий сумын бүтээн байгуулалтын ажлын явцтай ...

Тод мэдээ2020/09/21

Ерөнхийлөгч Х.Баттулга “Азат Халал” махны үйлдвэрээр зоч...

Тод мэдээ2020/09/21

Баян-Өлгий аймгийн 548 ээж “Эхийн алдар” одон хүртлээ

Тод индэр2020/09/21

Монгол Улсын Ерөнхийлөгч Х.Баттулга Баян-Өлгий аймагт ажиллалаа

Өнөөдөр2020/09/21

Улаанбаатарт өдөртөө 16 хэм дулаан

Өнөөдөр2020/09/21

Үс шинээр үргээлгэх буюу засуулбал бие эрхтний, хүч сайжирна

Санал болгох