Бидэнтэй нэгдэх

Тод индэр

Алба хаагчид төмөр замын бүтээн байгуулалтад оролцож байгаадаа сэтгэгдэл хангалуун байна

Огноо:

,

Сэтгүүлч:

Монгол Улсын Ерөнхийлөгч, Зэвсэгт хүчний Ерөнхий командлагч Х.Баттулга, Зүүнбаян-Тавантолгой чиглэлийн төмөр замын бүтээн байгуулалтын ажилтай танилцсан. Ерөнхийлөгчийг дагалдаж УИХ-ын гишүүн Б.Дэлгэрсайхан, Засгийн газрын гишүүн, Батлан хамгаалахын сайд Г.Сайханбаяр, ЗХЖШ-ын дарга, хошууч генерал Д.Ганзориг, Батлан хамгаалах яамны Бодлогын хэрэгжилтийг зохицуулах газрын дарга, хурандаа Х.Батсайхан болон бусад албаныхан ажиллалаа. Зүүнбаян-Тавантолгой чиглэлийн төмөр замын доод бүтцийн буюу далангийн ажлыг Зэвсэгт хүчний бие бүрэлдэхүүн, дотоодын аж ахуйн нэгжүүдтэй хамтран амжилттай хийж гүйцэтгэснээс гадна өртөө болон зөрлөгийн ажлыг хариуцаж эхнээс нь ашиглалтад оруулаад байгаа юм. Зөрлөгийн болон ажилчдын орон сууцыг байгуулахдаа халуун хүйтэн ус, халаалттай байхаар шийдсэн байна. Энэ нь дараа, дараагийн өртөө зөрлөгт жишиг болсон аж.

Батлан хамгаалахын сайд Г.Сайханбаяр, ЗХЖШ-ын дарга, хошууч генерал Д.Ганзориг нарыг төмөр замтай трассын дагуу танилцах үеэр тус бүтээн байгуулалтад оролцож буй Зэвсэгт хүчний 7781 дүгээр ангийн захирагч, хошууч генерал П.Доржсүрэн болон УБТЗ ХНН-ийн дарга Д.Жигжиднямаа нар ажлын явц, гүйцэтгэлийн талаар танилцуулж, дэлгэрэнгүй мэдээлэл өгөв. Мөн Батлан хамгаалахын сайд Г.Сайханбаярт төмөр замын бүтээн байгуулалтад оролцож буй дотоодын аж ахуй нэгжүүдийн алба хаагчид Зэвсэгт хүчний бие бүрэлдэхүүнтэй хамтран түүхэнд үлдэх бүтээн байгуулалтад гар нийлэн ажиллаж байгаадаа сэтгэл хангалуун байгаагаа илэрхийлсэн юм. Батлан хамгаалахын сайд Г.Сайханбаяр өнгөрсөн долоо хоногт ЗХЖШ, Зэвсэгт хүчний 336 дугаар ангид ажилласан бол амралтын өдрүүдэд ийнхүү төмөр замын бүтээн байгуулалттай танилцлаа.

Эх сурвалж: "Соёмбо" сонин





Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод индэр

ЗГ: "Симфони найрал хөгжим", “Морин хуурын чуулга”-ын хөгжмийн зэмсгийг шинэчилнэ

Огноо:

,

Засгийн газрын ээлжит хуралдаан 2020 оны 09 дүгээр сарын 30-ны өдөр болж дараах асуудлыг хэлэлцэн шийдвэр гаргалаа. Улсын филармонийн “Симфони найрал хөгжим”-ийн хөгжмийн зэмсгийг шинэчлэхэд зориулж нэг тэрбум 800 сая, “Морин хуурын чуулга”-д шаардлагатай 200 сая төгрөгийг Засгийн газрын нөөц сангаас гаргахаар болов.

Монгол Улсын Ерөнхий сайд У.Хүрэлсүх өнгөрсөн даваа гарагт Соёлын яам, харьяа газруудад ажиллахдаа дээрх байгууллагуудын хөгжмийг шинэчлэх хөрөнгийг шийдвэрлэхээ мэдэгдсэн юм. “Симфони найрал хөгжим”-ийн хөгжмийн зэмсэг хуучирч муудан, ашиглах хугацаа нь 12-23 жилээр хэтэрсэн учир шаардлага хангахгүй болсон байна.

Олон улсын стандартад симфони найрал хөгжмийн бүрэлдэхүүнд хамгийн багадаа модон үлээвэр болон гуулин үлээвэр хөгжмийн тус бүр дөрөв, утсан хөгжмийн тав, цохивор хөгжмийн 5-10 төрөл буюу нийт 80 гаруй хөгжмийн төрөл дуугарч байх байх ёстой гэж үздэг. Улсын филармони нь жилд өөрийн болон олон улсын тайзнаа 120 гаруй тоглолт, арга хэмжээ зохион байгуулдаг бөгөөд ирэх оны 50 жилийнх нь ой тохиож байна.

Дэлгэрэнгүй унших

Тод индэр

Усыг Усаар...

Огноо:

,

Монгол орон усны нөөц багатай орны тоонд ордог бөгөөд 2026 он гэхэд усны хомсдолд орж эхлэх эрдэмтдийн судалгаа гарсан байна. Тэгвэл Экологийн цагдаагийн алба, Байгаль орчин, аялал жуулчлалын яамтай хамтран хэрэгжүүлж буй Байгаль Эн Тэргүүнд Цэнхэр алт усаа хайрлая аян ДЦС-3 ТӨХК нэгдэн цахилгааны хэрхэн уснаас гаргаж авдаг, үүнийгээ хэрхэн хэмнэдэг талаар товч өгүүллээ.

Дулааны цахилгаан станц гэдэг нь Дулаан болон цахилгааны эрчим хүчийг хослон үйлдвэрлэж байгааг хэлнэ. Цахилгаан станц гэдэг нь зөвхөн цахилгаан эрчим хүч үйлдвэрлэж байгааг хэлдэг.

Дулааны цахилгаан станц яагаад хот, районтой ойрхон байрладаг гэхээр тухайн хотын орон сууц, үйлдвэр, сургууль, цэцэрлэг, аж ахуйн нэгжүүдийг өвлийн улиралд дулаанаар хангах үндсэн зориулалттай юм.

ДЦС-3 хувьд эрчим хүч үйлдвэрлэх үндсэн технологи нь усыг хэт халсан уур болгон эрчим хүч үйлдвэрлээд уг процесст ажлаад гарч буй уур усны холимогийг ус болгох буюу усны төлөв байдлыг дахин дахин өөрчлөн ашиглаж байгаа гэсэн үг юм.

Дэлхий нийтээр саарал усны хэрэглээг нэвтрүүлж хэмнэлттэй техник, технологи, тоног төхөөрөмжийг ашиглаж байгаа. Дулааны гуравдугаар цахилгаан станцын хувьд дээд удирдлагаас, инженер техникийн ажилтан, засварчин гээд бүх шатанд усыг хэмнэж ажиллах тал дээр санаачлага гаргаж технологи дамжлага тус бүрт ашиглаад гарч буй усыг шууд хаяхгүй баканд, санд цуглуулж жилд 1.5 сая тн саарал усыг станцын технологи ажиллагаанд дахин ашиглаж байгаа нь өнөөгийн тулгамдаж буй цэвэр усны нөөцийг хамгаалахад эерэгээр нөлөөлж байна. 

 
Дэлгэрэнгүй унших

Тод индэр

Улсын онцгой комиссын шуурхай бүлэг Өмнөговь аймагт ажиллав

Огноо:

,

Коронавируст халдвараас урьдчилан сэргийлэх үйл ажиллагаанд үнэлэлт, дүгнэлт өгөх, өвөлжилтийн бэлтгэл ажилтай газар дээр нь танилцах, гамшгийн эрсдлийн үнэлгээ хийх зорилгоор Онцгой байдлын ерөнхий газрын Гамшгийн эрсдлийн удирдлагын газрын дарга, дэд хурандаа Д.Баасансүрэнгээр ахлуулсан ШУУРХАЙ БҮЛЭГ манай аймагт ажиллав.
 
Энэ үеэр УИХ-ын гишүүн Н.Наранбаатар болон аймаг орон нутгийн удирдлагууд тулгамдсан асуудлыг хөндсөн юм.Тухайлбал:
 
✅Өвс тэжээлийн нөөц бүрдүүлэх
✅Отор нүүдэл ихтэй газарт худаг ус гаргах
✅Мал мах худалдаалах
✅Хил боомтод ажиллаж байгаа төрийн албан хаагчид болон жолооч нарын нийгмийн асуудал
✅ЭМБ-ын унаа тэрэг, эмч ажилчдын нийгмийн асуудал зэргийг хөндөж Улсын онцгой комисст уламжлан асуудлыг шийдэж ажиллахаар болов.
Дэлгэрэнгүй унших
сурталчилгаа
Өнөөдөр13 цаг 6 минут

Цаг агаарын гамшигт үзэгдлээс урьдчилан сэрэмжлүүлж байна!

Өнөөдөр13 цаг 18 минут

Хүнсний аюулгүй байдлын үндэсний зөвлөлийн хуралдаан боллоо

Өнөөдөр13 цаг 18 минут

“Томуугаас сэргийлье” дархлаажуулалтын 10 хоног маргааш ...

Тод индэр13 цаг 22 минут

ЗГ: "Симфони найрал хөгжим", “Морин хуурын чуулга&rd...

Тод мэдээ13 цаг 24 минут

ЗГ: Уран зургийн галерейг зориулалтын байртай болоход дэмжлэг үзүүлн...

Тод мэдээ13 цаг 25 минут

ЗГ: Энэ жил 20 мянган тонноос багагүй хэмжээний мах нөөцөлнө

Тод мэдээ13 цаг 27 минут

АНУ-ын F, J, I ангиллын визийн журамд өөрчлөлт орох тухай

Тод мэдээ13 цаг 30 минут

АНУ-ын Төрийн нарийн бичгийн дарга Майк Помпео Монгол Улсад айлчилна...

Тод мэдээ14 цаг 41 минут

Т.Доржханд: ХҮН-ийг АН-тай хамтраагүйнх нь төлөө Ерөнхийлөгч хуул...

Тод индэр18 цаг 40 минут

Усыг Усаар...

Тод индэр2020/09/29

Улсын онцгой комиссын шуурхай бүлэг Өмнөговь аймагт ажиллав

Тод индэр21 цаг 18 минут

УИХ-ын гишүүн Н.Наранбаатар тойрогтоо ажиллаж байна

Санал болгох