Бидэнтэй нэгдэх

Чөлөөт бүс

Муурын нүдтэй хүү

Огноо:

,

Сэтгүүлч:

Хятадын Дахуа мужид амьдардаг Nong Youhui гэгч энэ хачирхалтай хүү үнэхээр ер бусын гэж хэлэхгүй байхын аргагүй нэгэн юм. Nong Youhui хүмүүс шиг хар, бор биш харин төрөлхийн муурынх шиг тод шар ногоон нүдтэй юм байна. Хүүгийн нүд заримдаа цэнхэр мэт харагддаг юм байна. Хамгийн сонирхолтой нь хүүгийн нүд харанхуйд яг л муурынх шиг гэрэлтдэг ажээ.

Эцэг эх нь хүүгээ эмнэлэгт үзүүлэхэд хүүг бүүр гэрэлгүй, харанхуй үед ч гэсэн уншиж чаддагийг нь олж мэджээ. Эмч нарын тайлбарлаж байгаагаар хүү төрөлхийн паталогийн ховор тохиолдлын өвчин болох лейкодерм-тэй юм байна. Төрөлхийн нүдний торлог бүрхэвчийн пигмент дутуу хүн гэрэлд хэт мэдрэмтгий, эрс өөр өнгөтэй нүдтэй төрдөг гэжээ. Эцэг эх нь хүүгийн маань нүд өсөж том болоод жирийн хүнийх шиг өнгөтэй болно гэж найдсаар байгаа аж. 
Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Чөлөөт бүс

Бид төгс бус орчлонд амьдарч байгаа

Огноо:

,

Канадын Олон Улсын Хөгжлийн Судалгааны Төв, “Сэтгэлийн толь” сэтгэл зүйн төв, ЭМШУИС НЭМС, "MegaMongolia: dreamit" дэд төслийн хүрээнд хийгдсэн “Ажлын байрны стресс бууруулах зарим аргууд” гарын авлагаас "Бухимдлаа сэргийлэх 25 арга" зөвлөгөөг хүргэж байна.

1. Өнөөдрөөс эхлэн өглөө урьдынхаас 15 минутын өмнө босч бай. Тэгвэл та бүх ажлаа амжуулж чадна.

2. Өглөөний цай, өдрийн хоол, хувцас зэрэг маргааш хэрэглэх зүйлээ урьд орой нь бэлтгэ.

3. Уулзалтын цаг, гадаад хэл сурах, дэлгүүр орох, номын санд очих зэрэг бүх ажлаа бичиж бай.

4. Ажлаа хойш тавьсандаа харамсах үе олон гардаг. Ийм учраас цагийн юмыг цагт нь хийгээрэй.

5. Уулзалтанд болзсон цагаасаа 15 минутын өмнө ир. Орон нутгийн нислэгтэй үед онгоцны буудал дээр нэг цагийн өмнө ир.

6. Кофе бага уу.

7. Бүх юманд тайван ханд. Амжуулаагүй ажлаас чинь шалтгаалан дэлхий сөнөчихгүй нь лавтай.

8. Хүнээс асууж лавлаж бай. Юм асуусан хэдэн хором таны цагийг хэмнэх болно.

9. Yгүй гэж хэлж сур. Хэрэв танд цаг зав байхгүй бол чадахгүй гэж хэл. Хүн болгон амрах, ганцаараа байх хэрэгтэй гэдгийг ойлго.

10. Аливаа зүйлд тайван ханддаг хүнтэй үерх. Ямар ч юманд амархан шаналдаг хүн бусдыг уруу татдаг.

11. Ажил ихтэй үедээ илүү цагаар суухдаа босох, явах зэргээр биеийнхээ чилээг гаргаж бай.

12. Сандарч санаа зовсон үедээ гүнзгий амьсгаа ав.

13. Өөрийн бодол, мэдрэмжээ цаас, дэвтэр дээр буулга. Энэ нь танд шинэ санаа өгөх болно.

14. Санаа сэтгэлийг чинь зовоож буй зүйлээ дотны найзтайгаа хуваалцаж, яаж шийдвэрлэх талаар зөвлөлд. Таны найз танд тусалж чадна.

15. Дарамт, сэтгэлийн хямралаас зайлсхийх хамгийн сайн арга нь өөрийн дуртай, сонирхолтой орчинг бүрдүүлэх явдал юм.

16. Аливаа ажлын өмнө заавал бэлтгэ. Жишээлбэл: Олон хүний өмнө үг хэлэхдээ болох гэж буй зүйлийг урьдчилан төсөөл.

17. Өдөр бүр өөрийн дуртай нэг зүйлийг хийж бай.

18. Өөрийгөө ойлгуулахын тулд бусдыг ойлгохыг хичээ.

19. Өөрийн гадаад байдалдаа байнга санаа тавьж бай. Та сайхан харагдвал таны сэтгэл өөдрөг байх болно.

20. Ажлын хувиараа бодитоор гарга. Олон уулзалтынхаа дунд амрах хэдэн минут үлдээ.

21. Өөрийгөө дутуу үнэлсэн бодлоо өөрчил. Би хэтэрхий хөгшин, тарган гэж бүү хэл.

22. Өдрийн завсарлага авахаа битгий март. 15-20 минут байсан ч өрөөнөөсөө гарч амар.

23. Бусдыг уучилж сур. Бид төгс бус орчлонд амьдарч байгаа гэдгийг ойлго.

24. Та сандарч буйгаа мэдээд тайвшрахыг хүсвэл иогийн дасгал хий.

25. Ирээдүйгээ сайн сайхнаар төсөөл. Хүн бүр чадах бүхнээ хийж байгаа гэдэгт итгэ.

Дэлгэрэнгүй унших

Чөлөөт бүс

Нөхөр чинь заавал хэн нэгэнтэй адилхан байх ёстой гэж үү?

Огноо:

,

Гэр бүл гэдэг амьдралын хамгийн том аз жаргал юм. Гэвч энэ аз жаргалыг үргэлж хайрлаж тордож шинээр нь байлгах нь чухал. Энэ нь тийм ч амар зүйл бас биш юм. Харамсалтай нь гэр бүл болгонд үл ойлголцол ямар нэг хэмжээгээр зайлшгүй гарч ирдэг. Харин энэ бүхнийг маш амархан шийдэж сурах хэрэгтэй. Гэр бүлийн хэрүүл зөрчил гол төлөв жижиг сажиг зүйлээс гардаг. Аяга шанага тойрсон хэрүүл том хэрүүл болон хувирахаас гадна хосуудын харьцаанд сэв суулгах боломжтой. Иймд жижиг асуудалд онц ач холбогдол өгөлгүй шийдвэрлэх олон арга зам бий.

Гэр доторх үүргийг хуваарил
Хэрэв нөхөр чинь хүнсээ цуглуулахдаа үнэтэй, чанар муутайг нь авчихдаг бол түүнийг дэлгүүр явуулах шаардлагагүй. Харин нөхөртөө гэрийнхээ цахилгаан хэрэгслийн бүрэн бүтэн байдал, машин тэргээ хариуцуул.

Түүнийг урамшуулах хэрэгтэй
Тушааж, захирсан өнгө аястайгаар нөхөртэйгээ бүү харьцаарай. Хүсэлтээ эелдгээр хэлэхэд эрчүүд дуртай байдаг. Хийсэн зүйлийг нь магт, талархлаа илэрхийл. “Энэ хийх ёстой юм чинь” гэсэн байр сууринаас аль аль нь хандахгүй байвал олон таагүй асуудал танай гэр бүлийг тойрох болно. Чимээгүй талархал ч аятай биш. Үүнийгээ амаар илэрхийлж бай. 

Зурагтаа ээлжилж үз
Хоёр зурагт байхгүй нөхцөлд маргаан гарах болно. Нэгдмэл шийдвэрт хүрч чадахгүй байвал тохирохыг хичээ. Хоёуланд сонирхолтой нэвтрүүлэг сонгох нь амаргүй тул нэг орой нөхөр чинь хөлбөмбөг, дараагийн өдөр та цуврал киногоо үзэхээр тохиролц.

Хариуцлагыг өөртөө ав
Мартамхай нөхрүүд байдаг. Нөхөр чинь жолооны үнэмлэх, түлхүүр мэтийг байсхийгээд хаячихдаг бол бүү бухимд. Уурлаад ч нэмэргүй. Асуудлыг энгийн боловч үр дүнтэй аргаар шийдэж болно. Та зүгээр л түлхүүр болон бичиг баримтыг нөхөртөө сануулах үүрэг өөртөө тавь. Энэ тохиолдолд та олон таагүй асуудлаас зайлсхийж чадна.

Түүний ажлыг хий
Янз бүрийн нөхцөл байдлаас шалтгаалан нөхөр чинь үүрэгт ажлаа хийлгүй удсан байж болно. Уурлаж үглэхийн оронд та өмнөөс нь хийчих. Нөхөр чинь үүнийг анзаарч гэмшинэ. Гэр бүлийн амьдрал бол та хоёрын аз жаргалтай байх үндэс тул тунирхал зохисгүй.

Зэмлэх цагаа ол
Нөхөр чинь ажлаасаа ядарч ирэхэд шууд л тоостой гутал, угаагаагүй оймсны тухай маргаан бүү дэгдээ. Ядарч ирсэн нөхөр чинь таны зэмлэлийг хүлээн авахгүй. Харин эсрэгээр адилхан уурлана. Цагийг нь олж яривал ямар ч асуудал шийдэгдэнэ.

Түүнд санаачлага гаргах боломжийг олго
Эхнэрүүдээ нэг алдаа бол нөхрийнхөө өмнүүр орж бүгдийг хийчихдэг гэмтэй. Ор дэрнийхээ хэрэглэлийг нөхөр чинь угаах гэтэл “Алив би. Чи чадахгүй” гэж та дургүйлэхдэг бол дараагийн удаа нөхрөөрөө юм хийлгэх оролдлого тань талаар болж мэднэ. Сэтгэлд хүрэхгүй хийсэн ч нөхрийнхөө аливаа санаачлагыг дэмжиж бай. Урамшсан нөхөр улам сайн хийхийн тулд танаас зөвлөгөө авах болно.

Тодорхой хэл
Нөхрөө дэлгүүр явуулах гэж байгаа бол захиасаа тодруул. “Орой идчих юм аваад ир гэвэл нөхөр чинь загасны консерв, йогурт, өнжсөн боов, боорцог, мэтхэнийг аваад ирэх магадлалтай.  Тиймээс яг юу юу авахыг нь бичээд, эсвэл хэлээд өгчих. Тэгвэл асуудал гарахгүй шүү дээ.

Боломжгүй шаардлага бүү тавь
Нөхөр чинь заавал хэн нэгэнтэй адилхан байх ёстой гэж үү. Хөршийн нөхөр маш овсгоотой, ажилсаг, нэгэн байж болно. Гэхдээ нөхрөө түүнтэй бүү харьцуул. Нөхөрт чинь түүнээс илүү олон давуу, сайн чанар байгаа гэдэгт итгээрэй.

Зарим зүйлд хошин талаас нь ханд
Нөхөр чинь өндгөө шарах гээд дахиад түлчихсэн үү. Маанаг, тэнэгээр нь дуудах гэж бүү яар. Эмгэнэл биш биз дээ. Харин “өндөг түлдэггүй нөхөртэй суухаас” гэж хошигно. Хуримтлагдсан таагүй энерги замхран алга болохыг та мэдэрнэ.
Дэлгэрэнгүй унших

Чөлөөт бүс

Архины хар сүүдэрт амьдралын аз жаргалыг мэдрэхгүй...

Огноо:

,

Сархад савнаасаа бусдыг гэж ярьцгаадаг. Энэ бол яах аргагүй үнэн үг билээ. Архи нь нийгмийн аль ч давхаргын хүмүүсийг алагчлахгүйгээр ажил амьдралыг нь үгүй хийж, ангал уруу түлхэж орхидог. Архины хар сүүдэр нь дан ганц хувь хүнийг бус бүхэл бүтэн айл гэрийг хүртэл нөмөрдөг шүү дээ. Тэгвэл архи танай гэр бүлд хэрхэн нөлөөлдөг вэ?

Үүнд:

- Гэр орны амгалан тайван байдлыг алдагдуулах

- Гэр бүлийн гишүүд байнгын түгшүүртэй байдалд байх

- Архины хэрүүл тасардаггүй

- Амьдралын аз жаргалыг мэдрэхгүй

- Гэр бүлийн байдал тогтворгүй болох

- Хүүхэд өнчирч хоцрох

- Аливаа нэгэн баяр ёслолыг тэмдэглэхэд хэцүү байх

- Хүүхдийн сэтгэл зүйд сөргөөр нөлөөлөх

- Гэр бүлийн гишүүд амьдралын идэвхгүй болох

- Бусдаас санаа зовох

- Хэн нэгнийгээ гэмтээж бэртээх

- Орлогын эх үүсвэр алдагдах

- Золгүй явдал гарах

- Хэн нэгнийхээ амь насанд хүрэх

- Айл хөршийнхэн чинь гомдол мэдүүлэх болон зайнаас харьцдаг болох

- Найз нөхдөө гэр орондоо урихаас санаа зовдог болох

- Сэтгэл санааны хямралд орж, эрүүл ухаанаар сэтгэж чадахаа болих

- Архинаас тухайн гэр бүлийн гишүүнээ хэрхэн хол байлгах талаар бодсоор байгаад өөр зүйлд анхаарлаа хандуулж чадахаа байх.

Дэлгэрэнгүй унших
сурталчилгаа
Тод зураг19 цаг 26 минут

Хачирхалтай загварлаг гутлууд...

Чөлөөт бүс19 цаг 30 минут

Бид төгс бус орчлонд амьдарч байгаа

Чөлөөт бүс19 цаг 34 минут

Нөхөр чинь заавал хэн нэгэнтэй адилхан байх ёстой гэж үү?

Тод мэдээ19 цаг 46 минут

Хичээл эхлүүлэхэд анхаарах асуудлын талаар зөвлөмж, чиглэл өглөө

Тод мэдээ19 цаг 53 минут

Салбарын уламжлалт харилцааг бэхжүүлнэ

Өнөөдөр19 цаг 58 минут

Хотын туурийг хамгаалалтад авч, судалгаа, малтлагын ажлыг төрөөс дэм...

Тод индэр20 цаг 1 минут

Технологи-Инновацийг хөгжүүлэх чиглэлээр хамтын ажиллагааг өргөжүүлн...

Тод мэдээ20 цаг 5 минут

“Мэдээллийн технологийн боловсрол болон аутсорсингийн төв&rdqu...

Тод индэр20 цаг 11 минут

Н.Тавинбэх: Томоохон хөрөнгө оруулалтуудыг технологийн хөгжлийн хурд...

Тод мэдээ20 цаг 15 минут

Зөвшөөрөлгүй барилга барьж буй асуудлыг шалгах ажлын хэсэг байгуулла...

Тод мэдээ20 цаг 19 минут

Хууль зөрчсөн үйлдлийг таслан зогсоож, хариуцлага тооцохыг үүрэг бол...

Тод мэдээ20 цаг 22 минут

Төмөр замын гарам дээр ирээд "зогс, хар, сонс"

Санал болгох