Бидэнтэй нэгдэх

Тод мэдээ

БНХАУ-аас эх орондоо ирэх хүсэлт гаргасан 157 иргэнийг татан авлаа

Огноо:

,

Сэтгүүлч:

Улсын онцгой комиссын шийдвэрийн дагуу БНХАУ-аас эх орондоо ирэх хүсэлт гаргасан 157 иргэнийг Замын-Үүд суманд зохион байгуулалттайгаар татан авах үйл ажиллагаа өчигдөр /2020.07.02/ хийгдлээ. БНХАУ-аас эх орондоо ирж байгаа иргэдээс одоогийн байдлаар 37 хэмээс дээш биеийн халуунтай сэжигтэй 2 тохиолдлыг Замын-Үүд сумын Нэгдсэн эмнэлэгт хүлээлгэн өгсөн байна.

Монгол Улсын Шадар сайдын 2017 оны А/08, МХЕГ-ын даргын 2018 оны А/192 тушаалын дагуу Замын-Үүд боомт дахь Хилийн мэргэжлийн хяналтын алба өндөржүүлсэн бэлэн байдалд ажиллаж зорчигчдын биеийн халууныг нэг бүрчлэн хэмжин, “Эрүүл мэндийн мэдүүлэг”-ийн хуудсаар асуумж авч, тээврийн хэрэгсэл, гар тээшинд халдваргүйжүүлэлт хийн ажиллалаа гэж Мэргэжлийн хяналтын ерөнхий газраас мэдээллээ.

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод мэдээ

Хичээл эхлүүлэхэд анхаарах асуудлын талаар зөвлөмж, чиглэл өглөө

Огноо:

,

Боловсрол, шинжлэх ухааны яам “2020-2021 оны хичээлийн жилийн бэлтгэл ажил, анхаарах асуудал” сэдэвт сургалт семинарыг эхлүүллээ. Аймаг нийслэлийн боловсролын газрын дарга, мэргэжилтнүүдэд өндөржүүлсэн бэлэн байдлын үед хичээлийн шинэ жилийн бэлтгэлийг хангах, цэцэрлэг, сургуулийн орчинд ариутгал, халдваргүйтгэл хийх, энэ чиглэлээр гарсан Улсын онцгой комисс, Засгийн газар, холбогдох Сайд нарын хамтран баталсан тушаал, шийдвэр, дүрэм журмыг танилцуулж орон нутгийн онцлогт тулгуурлан бэлтгэл ажлын зохион байгуулалтыг хангах талаар зөвлөмж, чиглэл өглөө.

Сургалтын эхэнд Боловсрол, шинжлэх ухааны сайд Л.Цэдэвсүрэн, Боловсролын салбарт баримтлах бодлогын талаар танилцуулж, сургалт семинарын үйл ажиллагаанд амжилт хүслээ. Энэхүү арга хэмжээг зохион байгуулахад Эрүүл мэндийн яам, Мэргэжлийн хяналтын ерөнхий газар, Онцгой байдлын Ерөнхий газар, Халдварт өвчин судлалын үндэсний төв зэрэг байгууллагууд хамтран оролцож, Өндөржүүлсэн бэлэн байдлын үед хичээл сургалтын үйл ажиллагааг эхлүүлэхэд анхаарах асуудал, “Ковид-19” цар тахлын эсрэг хариу арга хэмжээ, эрүүл аюулгүй орчин бүрдүүлэхтэй холбоотой мэдээлэл, зөвлөмж өглөө.
 
Сургалтын хоёр дахь өдөр хичээлийн хуваарь, анги зохион байгуулалт зэрэг төлөвлөлт зохион байгуулалттай холбоотой арга зүйн зөвлөмжийг Боловсролын Хүрээлэн, Багшийн мэргэжил дээшлүүлэх институтийн мэргэжилтнүүд өгч, хамтарсан дадлага хийж харилцан санал солилцох юм.
Дэлгэрэнгүй унших

Тод мэдээ

Салбарын уламжлалт харилцааг бэхжүүлнэ

Огноо:

,

Боловсрол, шинжлэх ухааны сайд Л.Цэдэвсүрэн Бүгд Найрамдах Социалист Вьетнам Улсаас Монгол Улсад суугаа элчин сайд, хатагтай Доан Тхи Хыөнгтэй уулзлаа. Монгол-Вьетнамын шинжлэх ухаан, технологийн дэд комиссын гуравдугаар хуралдаан 2016 онд Ханой хотод амжилттай болсныг дурдаад ээлжит хурлыг дэлхий нийтэд дэгдээд байгаа цар тахлыг намжсан тохиолдолд Монгол Улсад зохион байгуулахад бэлэн байгааг илэрхийлэв. Хоёр улсын шинжлэх ухаан, технологийн салбарын хамтын ажиллагааны хүрээнд хэрэгжих уламжлалт анагаах ухааны бүтээгдэхүүний үйлдвэрлэл, судалгааны хамтарсан төслийг үр дүнтэй хэрэгжүүлэх талаар харилцан санал солилцлоо.

Хоёр улсын Засгийн газар хооронд байгуулсан боловсролын салбарт хамтран ажиллах гэрээ хэлэлцээрийн дагуу Вьетнам Улсын Засгийн газрын тэтгэлгээр Монгол Улсаас 15 оюутныг тасралтгүй сургах ажлыг амжилттай зохион байгуулж буйд сайд Л.Цэдэвсүрэн элчин сайдад талархал илэрхийлээд энэ онд дуусах уг гэрээ хэлэлцээрийг дахин шинэчлэн байгуулах санал тавилаа.
 
Монгол Улс сурлагын чанарыг үнэлэх олон улсын үнэлгээ буюу PISA-д орохоор ажиллаж байгааг дурдаад 2015 онд энэхүү судалгаанд Вьетнам Улс маш амжилттай оролцсныг онцлон тэмдэглэж, хамтран ажиллах хүсэлтэй байгааг мөн дурдав.
Элчин сайд Доан Тхи Хыөнг боловсрол, шинжлэх ухааны хамтын ажиллагааг улам өргөжүүлэх, хамтарсан судалгааны ажлын санхүүжилтийг шийдвэрлэх, Хо Ши Миний нэрэмжит 14 дүгээр сургуулийн үйл ажиллагааг дэмжих, багш, оюутан солилцох хөтөлбөр хэрэгжүүлэх талаар ярилаа. Талууд харилцан хамтран ажиллаж, гэрээ, хэлэлцээрийг үр дүнд хүргэхийг зорьж байна.
Дэлгэрэнгүй унших

Тод мэдээ

“Мэдээллийн технологийн боловсрол болон аутсорсингийн төв” төслийн ажлыг эрчимжүүлнэ

Огноо:

,

Боловсрол, шинжлэх ухааны сайд Л.Цэдэвсүрэн Бүгд Найрамдах Энэтхэг Улсаас Монгол Улсад суугаа Онц бөгөөд Бүрэн эрхт Элчин сайд М.П.Сингхтэй уулзлаа. Бүгд Найрамдах Энэтхэг Улсын Засгийн газрын дэмжлэгтэй хэрэгжих  “Мэдээллийн технологийн боловсрол болон аутсорсингийн төв” төслийн ажлыг эрчимжүүлж, барилгын ажлыг эхлүүлэх, холбогдох санхүүжилтыг шийдвэрлэхэд талууд анхаарч ажиллахаар санал солилцов.

Бүгд Найрамдах Энэтхэг Улсын Ерөнхий сайд Наренда Модигийн Монгол Улсад 2015 онд хийсэн айлчлалын мөрөөр Энэтхэгийн талтай хамтран Монгол Улсын ерөнхий боловсролын сургуулийн 1000 багшийг англи хэлний сургалтад хамруулах тохиролцоог хийсэн. Энэ хүрээд 2016 онд нийслэл хот болон хөдөө, орон нутгийн 76 багшийг хоёр сарын хугацаатай Энэтхэг Улсад англи хэлний сургалтад хамруулсныг сайд Л.Цэдэвсүрэн дурдаад цаашид энэ хөтөлбөрийн хэрэгжилтийг сайжруулахад анхаарч, хамтарч ажиллахыг хүслээ.

Талууд Монгол, Энэтхэгийн боловсролын салбарын хамтын ажиллагааны хүрээнд Монгол Улсын Боловсрол, шинжлэх ухааны яамнаас Энэтхэг Улстай боловсролын гэрчилгээ, эрдмийн зэргийг харилцан хүлээн зөвшөөрөх тухай хэлэлцээр байгуулах талаар өмнө хэлэлцэгдэж байсан санал, Монгол-Энэтхэгийн хамтарсан сургууль байгуулах тухай асуудлыг дахин хөндөж, харилцан санал солилцов.
Дэлгэрэнгүй унших
сурталчилгаа
Тод зураг19 цаг 39 минут

Хачирхалтай загварлаг гутлууд...

Чөлөөт бүс19 цаг 43 минут

Бид төгс бус орчлонд амьдарч байгаа

Чөлөөт бүс19 цаг 47 минут

Нөхөр чинь заавал хэн нэгэнтэй адилхан байх ёстой гэж үү?

Тод мэдээ20 цагын өмнө

Хичээл эхлүүлэхэд анхаарах асуудлын талаар зөвлөмж, чиглэл өглөө

Тод мэдээ20 цаг 7 минут

Салбарын уламжлалт харилцааг бэхжүүлнэ

Өнөөдөр20 цаг 12 минут

Хотын туурийг хамгаалалтад авч, судалгаа, малтлагын ажлыг төрөөс дэм...

Тод индэр20 цаг 15 минут

Технологи-Инновацийг хөгжүүлэх чиглэлээр хамтын ажиллагааг өргөжүүлн...

Тод мэдээ20 цаг 18 минут

“Мэдээллийн технологийн боловсрол болон аутсорсингийн төв&rdqu...

Тод индэр20 цаг 25 минут

Н.Тавинбэх: Томоохон хөрөнгө оруулалтуудыг технологийн хөгжлийн хурд...

Тод мэдээ20 цаг 29 минут

Зөвшөөрөлгүй барилга барьж буй асуудлыг шалгах ажлын хэсэг байгуулла...

Тод мэдээ20 цаг 32 минут

Хууль зөрчсөн үйлдлийг таслан зогсоож, хариуцлага тооцохыг үүрэг бол...

Тод мэдээ20 цаг 36 минут

Төмөр замын гарам дээр ирээд "зогс, хар, сонс"

Санал болгох