Тод мэдээ
Туулын хурдны замын үндсэн кемпийн бэлтгэл, түр үйлдвэрлэлийн ажил 60 хувийн гүйцэтгэлтэй байна
Улаанбаатар-Налайх чиглэлийн авто замаас Баруун аймаг руу салдаг аюулгүйн тойрог хүртэл зургаан эгнээ 32 км урт Туулын хурдны замыг барьж, 2027 онд ашиглалтад оруулахаар төлөвлөсөн. Бүтээн байгуулалтын ажлын гүйцэтгэгчээр Хонгконгийн “ХаоЮань групп” компани ажиллаж байна. Тус төслийн үндсэн кемпийн барилга угсралтын ажил болон бүтээн байгуулалтын явцтай нийслэлийн Засаг дарга бөгөөд Улаанбаатар хотын Захирагчийн дэд бүтэц, эрчим хүчний асуудал хариуцсан зөвлөх Г.Батсайхан, нийслэлийн Замын хөгжлийн газрын дарга Б.Одбаяр нар өнөөдөр танилцаж, байршил дээр нь ажиллалаа.
Энэ үеэр нийслэлийн Замын хөгжлийн газрын дарга Б.Одбаяр “Үндсэн кемп буюу нийт ажилчдын байрлах байр, оффисын барилга болон дам нуруу угсрах үйлдвэр баригдаад явж байна. Кемпийн барилгыг сэндвичээр 10 мянган ам.метр талбайд барина. Өнөөдрийн байдлаар 4500 ам.метр бетонон суурь цутгалтыг хийж дууссан. Бүх дам нуруу цутгах талбайг тэгшлээд бэлтгэсэн. 2000 ам.метр талбайн цутгалтыг маргааш дуусгана. Ингэснээр кемпийн бэлтгэл, түр үйлдвэрлэлийн ажил 60 хувьтай явж байна” гэв.
Нийслэлийн Засаг дарга бөгөөд Улаанбаатар хотын Захирагчийн дэд бүтэц, эрчим хүчний асуудал хариуцсан зөвлөх Г.Батсайхан “Ажил гүйцэтгэхийн тулд тэгшилж, дайргаар хучсан түр зам буюу технологийн замыг 32 км урт барина. Өнөөдрийн байдлаар 17 км замыг барьж дууссан. Гол дээгүүрх гүүрэн байгууламжийн суурийн ажил, дам нуруу угсрах, тээвэрлэхэд уг түр замыг ашиглана.
Гүйцэтгэгч компаниас талбай дээр 120 инженер, техникийн ажилтан ажиллаж байгааг онцоллоо. Түр байгууламжийг барьснаар өвлийн саруудад гүүрэн байгууламжийн дам нуруу цутгалтыг дуусгаж, ирэх гуравдугаар сараас үндсэн барилга угсралтын ажлыг эхлүүлэх аж. Туулын хурдны замын бүтээн байгуулалтын хүрээнд 9.8 км урт гүүрэн байгууламж барих бөгөөд хамгийн урт гүүрэн байгууламж нь Яармагийн гүүрнээс Маршаллын гүүр, Цэцэрлэгт хүрээлэнгийн урдуур 7.2 км үргэлжилнэ. Гүүрэн байгууламжуудын өндөр 14-21 метр байна. Харин Яармагийн гүүр давах хэсэгт ган хийцлэлтэй 65 орчим метр урт дам нурууг суурилуулахаар төлөвлөжээ.
Тод мэдээ
2027 оныг “Эрүүл мэндийг дэмжих жил”-ээр зарлалаа
Засгийн газрын ээлжит хуралдаанаар Монгол Улсын Засгийн газрын 2024-2028 оны уйл ажиллагааны хөтөлбөрт туссан "Эрүүл монгол хүн" зорилгыг хэрэгжүүлэх, нийгмийн эрүүл мэндийн тогтолцоог бэхжүүлэх зорилгоор 2027 оныг "Эрүүл мэндийг дэмжих жил"-ээр зарлаж, хэрэгжүүлэх арга хэмжээний төлөвлөгөө боловсруулан Засгийн газарт танилцуулахыг Эрүүл мэндийн сайд Ж.Чинбүрэнд даалгав.
Эрүүл мэндийг дэмжих чиглэлээр авч хэрэгжүүлэх үйл ажиллагаа, арга хэмжээний хэрэгжилтийг хангаж, бүх талын дэмжлэг үзүүлж ажиллахыг Засгийн газрын гишууд, аймаг, нийслэлийн Засаг дарга нарт үүрэг болголоо.
Эрүүл мэндийг дэмжих чиглэлээрх үйл ажиллагаа, арга хэмжээг улсын хэмжээнд нэгдсэн удирдлагаар ханган ажиллах, холбогдох санхүүжилтийг 2027 оны улсын төсвийн төсөлд тусган шийдвэрлэх, салбар дундын уялдааг хангаж ажиллахыг холбогдох сайд нарт үүрэг болголоо.
Тод мэдээ
Энэ сард олгох нийгмийн халамжийн тэтгэвэр, тэтгэмж, хөнгөлөлт, тусламжийн хуваарь
Нийгмийн халамжийн тэтгэвэр, тэтгэмж, хөнгөлөлт, тусламжийн 2025 оны 11 дүгээр сарын олголтын хуваарийг танилцуулж байна.
Тод мэдээ
“Эрдэнэс Тавантолгой” ХК-ийн сүүлийн гурван жилийн үйл ажиллагаанд аудит хийнэ
Засгийн газрын ээлжит хуралдаан 2025 оны арваннэгдүгээр сарын 5-нд болж дараах асуудлыг хэлэлцэн шийдвэрлэлээ.
“Эрдэнэс Тавантолгой” ХК-ийн хувьцааг хөрөнгийн биржээр нээлттэй арилжаалах бэлтгэл ажлыг эхлүүлэх хүрээнд олон улсад хүлээн зөвшөөрөгдсөн хөндлөнгийн хараат бус аудитын компаниар тус компанийн сүүлийн гурван жилийн үйл ажиллагаанд аудит хийлгэх, хөндлөнгийн үнэлгээний компанийн үнэлгээг шинэчлэн тогтоолгох зэрэг ажлуудыг шуурхай зохион байгуулахыг холбогдох албан тушаалтнуудад даалгалаа.
Монгол Улсын Их Хурлын 2010 оны 39 дүгээр тогтоолоор “Эрдэнэс Тавантолгой” ХК-ийн хувьцааны 20 хүртэлх хувийг, 2018 оны 73 дугаар тогтоолоор “Эрдэнэс Тавантолгой” ХК-ийн хувьцааны 30 хүртэлх хувийг гадаад, дотоодын хөрөнгийн биржээр арилжаалахаар шийдвэрлэсэн.
Монгол Улсын Засгийн газрын хуралдаанаас “Эрдэнэс Тавантолгой” ХК-ийг нээлттэй хувьцаат болгох чиглэлээр удаа дараа үүрэг даалгавар өгсөн бөгөөд “Эрдэнэс Тавантолгой” ХК-ийг нээлттэй хувьцаат компани болгох бэлтгэл ажлыг үе шаттайгаар хэрэгжүүлэх хүрээнд тус компанийн үйл ажиллагаанд олон улсад хүлээн зөвшөөрөгдсөн, хараат бус хөндлөнгийн аудитын байгууллагаар аудит хийлгэх шаардлага үүсжээ.
“Эрдэнэс Тавантолгой” ХК-ийг нээлттэй хувьцаат компани болгох, хувьцааг биржээр арилжаалах бэлтгэл ажлын хүрээнд компанийн сүүлийн гурван жилийн үйл ажиллагаанд аудит хийлгэж дүгнэлт гаргуулахаар гүйцэтгэгчийг нээлттэй зарлаж, шалгаруулах Ажлын даалгаврыг боловсруулсан байна.
-
Тод мэдээ2020/05/21
Стандартын шаардлага хангаагүй барилгын хашааг албадан буулгалаа
-
Өнөөдөр2020/09/08
Үс шинээр үргээлгэх буюу засуулахад тохиромжгүй
-
Тод мэдээ2024/09/25
Энэ долоо хоногт нийт 11.4 км авто замыг шинэчилнэ
-
Тод мэдээ2023/08/01
Хөөсөнцөрийн үйлдвэрт гарсан гал түймрийг унтраахаар ажиллаж байна