Тод мэдээ
“Морьтой Аравт” багийнхан Ховд, Завхан, Увс, Говь-Алтай аймгийн сумдад ажиллаж байна
УИХ-ын 2024 оны сонгуулийн хоёрдугаар тойрог буюу Баруун бүсэд нэр дэвшигчдийн сурталчилгаа үргэлжилж, Ховд, Завхан, Увс, Говь-Алтай аймгийн иргэд, сонгогчидтой уулзаж, ирэх дөрвөн жилийн хугацаанд хийж хэрэгжүүлэх мөрийн хөтөлбөрөө танилцуулж байна.
Монгол Ардын намаас нэр дэвшигч “Морьтой Аравт” багийн Дашзэгвийн Амарбаясгалан, Чимэдийн Хүрэлбаатар, Сэрээжавын Энхболд нар Завхан аймгийн Сантмаргац, Ургамал, Завханмандал сум, Ховд аймгийн Дөрвөлжин, Дөргөн, Чандмань, Булган болон Үенч, Мөст суманд ажиллалаа. Нутгийн иргэд сүүлийн жилүүдэд малын түүхий эд, тэр дундаа арьс, шир үнэгүйдэж хаягддаг болсныг онцлоод, энэ асуудлыг шийдвэрлэхэд төрийн бодлого зайлшгүй хэрэгтэй байна гэсэн юм.
Тэгвэл арьс шир боловсруулах үйлдвэр барьж, байгуулах хувийн хэвшлийг төрийн бодлогоор дэмжихээр МАН-ын мөрийн хөтөлбөрт тодорхой заалтууд тусгасан байна. Уламжлалт мал аж ахуйг олон талаар дэмжиж байгаагийн нэг нь мал сүргийнхээ ашиг шимийг өсгөх, түүхий эдэд үнэ цэн, өртөг өгөөж шингээх улс орондоо өдөр бүр эрүүл, шинэ мах, сүүтэй байх “Шинэ хоршоо” хөдөлгөөнийг санаачлан хэрэгжүүлж эхэлсэн бөгөөд иргэд багаар нь дэмжиж уг хөдөлгөөнийг үргэлжлүүлэх хүсэлтэй байгаагаа уулзалтын үеэр илэрхийлж байсан юм.
Мөн мал аж ахуйгаа эрхэлж, бүс нутагтаа сайхан амьдрахын тулд эхлээд эрүүл мэнддээ анхаарах нь чухал гэдгийг тодотгоод, урьдчилан сэргийлэх эрт илрүүлгийн шинжилгээг үргэлжлүүлж, нарийн мэргэжлийн тусламж үйлчилгээг бүс нутагт байгуулах заалтыг МАН мөрийн хөтөлбөртөө тусгасныг баруун бүсийнхэн дэмжиж байлаа.
“Морьтой Аравт” багийн нэр дэвшигч Сандагийн Бямбацогт, Цэдэндамбын Цэрэнпунцаг, Батжаргалын Заяабал нар энэ хугацаанд Ховд аймгийн Дарви, Буянт сум, Увс аймгийн Тэс, Баруунтуруун, Зүүнговь суманд тус тус ажиллалаа.
Увс аймгийн Баруунтуруун сумд баруун бүсийн хэрэгцээг хангах гурил, тэжээлийн үйлдвэр байгуулж, ажлын байрыг нэмэгдүүлэх, нисэх буудлыг 4С ангилал руу өргөтгөх, замын бүтээн байгуулалтыг үргэлжлүүлж, орон нутагт орон сууц барьж борлуулсан аж ахуйн нэгжид татварын хөнгөлөлт үзүүлж, эрх зүйн орчныг бүрдүүлэх зэрэг МАН-ын мөрийн хөтөлбөрт туссан онцлох заалтуудаас танилцуулсан юм.
Иргэд сонгогчид үйлдвэрлэл, дэд бүтцийг цогцлоож, баруун бүсийн хөгжлийг түүчээлэх “Морьтой Аравт”-аа багаар нь сонгон дэмжихээ уулзалтын үеэр илэрхийлж, тэдэнд амжилт хүслээ.
Харин “Морьтой Аравт” багийн Баттогтохын Чойжилсүрэн, Балжиннямын Баярсайхан, Энхбатын Болормаа, Загджавын Мэндсайхан нар Завхан аймгийн Улиастай, Говь-Алтай аймгийн Есөнбулаг, Дэлгэр, Бигэр, Цогт суманд ажиллаж, мөрийн хөтөлбөрөө танилцуулав.
Энэ үеэр иргэд орон нутагт төрийн албаны тоотой хэдхэн орон тоотой учраас ажлын байр хомс. Тийм учраас залуучууд төв суурин бараадахаас өөр аргагүй байдгийг хэлсэн юм. МАН энэ удаагийн сонгуульд ялангуяа хөдөө, орон нутагт ажлын байр бий болгож, амьдрах, бизнес эрхлэх боломжийг нээж, дэмжихэд чиглэсэн бодлого барьж байгаа. Ингэж байж хөдөөгийн сэргэлтийн бодлогын хэрэгжүүлж бүс нутгийн хөгжлийг шинэ шатанд гаргана гэж үзэж байгаа юм. Мөн Говь-Алтай аймагт дулааны станц байгуулж, иргэдийн ая тухтай орчинд амьдрах, эрүүл байх нөхцөлийг бүрдүүлнэ гэдгийг онцолсон. Улмаар үйлдвэр аж ахуйн нэгжүүд үүд хаалгаа нээж ажлын байр бий болгосноор төвлөрлийг багасгаж, орон нутагт орон сууц барих, иргэд хашаандаа халаалт дулаан татах үндсэн нөхцөл бүрдэх юм.
Энэ мэтчилэн иргэдийн амьдрал, эдийн засагт нэн чухал хэрэгцээтэй бүтээн байгуулалтын ажлыг хийж хэрэгжүүлэхээр МАН мөрийн хөтөлбөртөө тусгасан. Иргэд сонгогчид чадварлаг, мэдлэг туршлагатай улстөрч, мэргэжилтнүүдээр багаа бүрдүүлсэн “Морьтой Аравт”-ыг мөрийн хөтөлбөрөө ажил хэрэг болгон бүрэн хэрэгжүүлнэ гэдэгт итгэж байгаагаа илэрхийлээд, бүсийн хөгжлийг түүчээлэх баруун бүсэд нэр дэвшигчдээ багаар нь дэмжинэ гэлээ.
Тод мэдээ
Энхтайваны өргөн чөлөө дагуух автобусны буудлуудыг халаас зогсоолгүй болгоно
Энэ онд нийслэлийн хэмжээнд 10 байршилд шинээр зам барих бол 41 байршилд авто замыг шинэчилнэ. Тодруулбал, Саппорогийн уулзвараас Офицеруудын ордон хүртэлх авто замыг бүрэн шинэчлэх юм. Энэ хүрээнд Энхтайваны өргөн чөлөө дагуу автобусны буудлуудыг халаас зогсоолгүй болгоно. Ингэснээр нийтийн тээврийн автобус нэгдүгээр эгнээгээр чөлөөтэй зорчих боломж бүрдэх юм.
Замын хөдөлгөөний аюулгүй байдлыг хангах, зохиомол түгжрэлийн шалтгааныг арилгах, нийтийн тээвэр хоорондын зайг алдагдуулахгүй байх зорилгоор 2022 оноос эхлэн зам дагуух зогсоолуудыг үе шаттай хааж байгааг нийслэлийн Замын хөгжлийн газрын дарга Б.Одбаяр онцолж байлаа.
Түүнчлэн Энхтайваны өргөн чөлөөний авто замын засвар, шинэчлэлтийн ажлыг өнгөрсөн дөрөвдүгээр сарын 2-ны өдрөөс эхэлсэн. Ингэхдээ иргэдэд саад учруулахгүйгээр шөнийн цагаар буюу 22:00-06:00 цагийн хооронд авто замыг засварлан шинэчилж байна. Харин асфальтбетон хучилтыг амралтын өдрүүдэд хийж байгаа юм.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Тод мэдээ
“Зээлийн апплейкешны эрх нэмэгдүүлж өгнө” гэж бусдыг залилжээ
Иргэн Б.П нь фэйсбүүк цахим орчинд “Nary Narut, Shimer shimka, Suki Nay, Anujin, Marlaa Marlaa, kimmyya InkIop” гэх нэртэй хуурамч хаяг нээн, түүнийгээ ашиглаж, “Токи.мн, Ленд.мнь Hipay” зэрэг зээлийн аппликейшны эрх нэмэгдүүлнэ" гэх зар оруулж хэрэглэгчийн нэвтрэх нэр, нууц үгийг хууль бусаар авч тухайн мэдээллээр иргэдийн цахим мэдээллийн сүлжээнд зөвшөөрөлгүйгээр нэвтэрч, олон удаагийн үйлдлээр зээл авч залилах, хулгайлах гэмт хэргийг үйлдэн их хэмжээний ашиг олж, амьдралын эх үүсвэрээ болгосон хэргийг илрүүлж, мөрдөн шалгах ажиллагааг үргэлжлүүлж байна.
Шалгалтын явцад гэмт этгээдүүд нь тухайн үйлдлийн аргыг ашиглаж, олон иргэдийг хохироосон байж болзошгүй нөхцөл байдал тогтоогдож байгаа тул дээрх нэр бүхий цахим фэйсбүүк хаягтай холбогдон зээлийн аппликейшны эрхээ нэмэгдүүлэх гэж хувийн мэдээллээ өгч, залилах гэмт хэргийн хохирогч болсон иргэд цагдаагийн байгууллагын 8822-2255 дугаарт холбогдохыг зөвлөлөө.
Хувийн мэдээллээ алдах нь цахим гэмт хэргийн хохирогч болох гол шалтгаан болж таныг санхүүгийн эрсдэлд оруулах аюул дагуулдаг гэдгийг ямагт анхаарч, таатай санал бүхий мэдээллүүдэд хянуур байж, дээр дурдагдсан эрсдэлээс урьдчилан сэргийлэхийг анхааруулж байна.
Тод мэдээ
Хүннү хотын тээвэр логистикийн талаарх мэргэжлийн холбоод, компаниудын саналыг сонсож, ажлын хэсэг байгууллаа
Улаанбаатар хотын хүн ам өсөх тусам тээвэр логистикийн цогц, шинэлэг шийдэл хэрэгтэй болсон. Тиймээс Хөшигийн хөндийн нисэх онгоцны буудлыг түшиглэсэн анхны дагуул хот Хүннү хотод тээвэр логистикийн нэгдсэн төвийг нийт 1019 га талбайд барина. Үүнээс 400 га талбайд тээвэр логистикийн бүсийг байгуулах юм.
Тээвэр логистикийн бүс байгуулахтай холбогдуулан мэргэжлийн холбоод, үйл ажиллагаа эрхлэгч компаниуд, экспертүүдтэй өнөөдөр хотын дарга Х.Нямбаатар болон нийслэлийн холбогдох албан тушаалтнууд уулзаж, санал бодлыг нь сонсож, хэлэлцүүлэг хийлээ. “Хүннү хотын тээвэр логистикийн бүсийн хөгжлийн стратеги” хэлэлцүүлгээр оролцогчдын санал хүсэлтийг сонсож, тээвэр логистикийн төвийн төлөвлөлтөд тусгах ажлын хэсгийг байгууллаа. Ажлын хэсгийн ахлагчаар нийслэлийн Санхүү, эдийн засаг, хөгжлийн бүтээн байгуулалтыг эрчимжүүлэх төсөл, хөтөлбөрийн зохицуулагч Л.Хосбаяр ажиллана.
Хэлэлцүүлгийн үеэр хотын дарга Х.Нямбаатар үг хэлэхдээ Улаанбаатар хотыг 2040 он хүртэл хөгжүүлэх хөгжлийн ерөнхий төлөвлөгөөнд одоогийн суурьшлыг задлах дагуул хотын төлөвлөлтийг тусгасан. Хөшигийн хөндийн олон улсын нисэх онгоцны буудлыг түшиглэсэн анхны дагуул хотод тээвэр логистикийн бүсийг бий болгох нь олон давуу талтайг онцоллоо.
Өнөөгийн Улаанбаатар тээвэр логистикийн хувьд үр ашиг, бүтээмж багатай, ажиллагаа ихтэй. Төмөр замын өртөөн дээр ирсэн чингэлгүүдийг гар аргаар ангилан ялгаж, 10 терминал руу цөөн тооны вагоноор түгээдэг. Нэг чингэлэгт ногдох зардал өндөр. 10 терминал бүрийн тоног төхөөрөмжийг бүрэн хүчин чадлаар ашигладаггүй. Терминалууд дээр буусан ачааны 40 орчим хувийг эргэж орон нутагт түгээдэг. Логистик компани бүр өөрийн талбайтай болох хүсэлтэй боловч нийслэлд зай талбай байхгүй. Хүннү хотын тээвэр логистикийн нэгдсэн төв байгуулагдсанаар эдгээр асуудлыг бүрэн шийдвэрлэх боломжтойг хэлэлцүүлэгт оролцогчид хэлж байлаа.
Хэлэлцүүлэгт Хүннү хотын Захирагчийн чиг үүргийг хэрэгжүүлэгч, Засгийн газрын бүрэн эрхт төлөөлөгч М.Батбаяр “Хүннү хотын тээвэр, логистикийн бүсийн төлөвлөлт”, Улаанбаатар хотын Ерөнхий архитектор Ч.Төгсдэлгэр “Улаанбаатар хотын 2040 он хүртэлх хөгжлийн ерөнхий төлөвлөгөөний тээвэр, логистикийн төлөвлөлт”, Монголын тээвэр логистикийн түншлэл мэргэжлийн холбооны ерөнхийлөгч А.Мөнхболд “Төр-хувийн хэвшлийн түншлэлийн эрх зүйн орчин: Боломж ба сорилтууд” сэдвээр илтгэл хэлэлцүүлэв.
Хүннү хотын тээвэр логистикийн нэгдсэн төв байгуулагдсанаар дараах ач холбогдолтой.
- Монгол Улсын худалдаа, тээврийн дэд бүтцийг сайжруулж, өрсөлдөх чадварыг нэмэгдүүлэх,
- Тээвэр логистикийн зардлыг бууруулж, эдийн засаг, бизнесийн өсөлтөд эерэг нөлөө үзүүлэх,
- Олон улсын техник, технологийг нутагшуулан, хотын доторхи ачаа урсгалыг зохион байгуулах,
- Улаанбаатар хотын түгжрэлийг бууруулах, төмөр замын эрчмийг зохицуулах,
- Логистик төвүүдийн агуулахуудыг хотоос гаргаж, хадгалалтын зардлыг бууруулах,
- Орон нутаг руу чиглэсэн барааны урсгалыг хотын гадна талд төвлөрүүлэх давуу талтай.
-
Тод мэдээ2023/12/14
ЗГ: Малчдад улсын нөөцөөс тэжээл 50 хувь хямдруулж олгоно
-
Тод мэдээ2022/08/11
Улсын хилийн зурваст газар ашиглуулахдаа зураг төсөл, бүтээн байгуулалтын ажлууд...
-
Өнөөдөр2023/11/07
Үс шинээр үргээлгэх буюу засуулахад тохиромжгүй
-
Тод мэдээ2022/01/10
Монголын үндэсний бөхийн холбооны Цэцдийн зөвлөлийн ээлжит хурал боллоо