Тод мэдээ
“Web awards 2023” цахим сэтгүүл зүйн салбарын тэргүүн наадамд оролцохыг урьж байна
Монголын цахим сэтгүүл зүйн салбарын “Web awards-2023” тэргүүн наадам 12 дугаар сарын нэгэнд болно. Тэргүүн наадмыг Монголын Сайтын Холбоо, Цахим хөгжил, Харилцаа Холбооны яам, Харилцаа Холбооны Зохицуулах Хороо, Мэдээллийн Технологийн Үндэсний Парк хамтран зохион байгуулж байна.
Эрхэм сэтгүүлч, цахим сэтгүүл зүйн салбарынхан, уран бүтээлч та бүхнийг бүтээлээ илгээж, наадамдаа идэвхтэй оролцохыг урьж байна.
“WEB AWARDS 2023” ЦАХИМ СЭТГҮҮЛ ЗҮЙН САЛБАРЫН ТЭРГҮҮН НААДАМ
УДИРДАМЖ
ЗОРИЛГО: Хүний эрх эрх чөлөөг дээдэлсэн, мэргэжлийн ёс зүйтэй, хариуцлагатай цахим сэтгүүл зүйг төлөвшүүлэх, салбарын үйл ажиллагааг дэмжих
ШАЛГАРУУЛАХ НОМИНАЦИ:
- “Вэб авардс 2023” наадмын онцлох сайт
- “Вэб авардс 2023” наадмын онцлох редакци
- “Вэб авардс 2023” наадмын сайтын онцлох бүтээл
- “Вэб авардс 2023” наадмын онцлох дебют сайт
- “Вэб авардс 2023” наадмын онцлох орон нутгийн сайт
- “Вэб авардс 2023” наадмын онцлох төсөл хэрэгжүүлэгч сайт
- “Вэб авардс 2023” наадмын онцлох төрөлжсөн мэдээллийн сайт
- “Вэб авардс 2023” наадмын онцлох вэб сайт хөгжүүлэгч
- “Вэб авардс 2023” наадмын онцлох апп хөгжүүлэгч
- “Вэб авардс 2023” наадмын сайтын онцлох сэтгүүлч
- “Вэб авардс 2023” наадмын онцлох гадаад мэдээний сэтгүүлч
- “Вэб авардс 2023” наадмын сайтын онцлох зураглаач
- “Вэб авардс 2023” наадмын сайтын онцлох зурагчин
- “Вэб авардс 2023” наадмын онцлох менежер
ТАВИГДАХ ШААРДЛАГА:
- Нэр дэвшиж буй сайт, бүтээл, хэвлэл мэдээллийн байгууллагын ажлын үзүүлэлт нь өмнөх “Вэб авардс 2021” наадмаас хойших хугацааных байна.
- Нэр дэвшүүлэхдээ тухайн редакци, байгууллагын хурлаар хэлэлцэж шийдвэрлэсэн хуралдааны тэмдэглэл, албан бичгийг хавсарган ирүүлнэ.
- Нэр дэвшсэн сайт болон байгууллагын гэрчилгээний хуулбар, тус салбарт ажилласан түүхийг заавал хавсаргасан байна.
- Нэр дэвшсэн бүтээл, сэтгүүлч, ажилтан, байгууллагын шалгаруулалтыг дараах хэлбэрээр шалгаруулна.
- Мэргэжлийн экспертүүдийн санал дүгнэлт 40 хувь
- Салбарын мэргэжлийн холбоодын санал дүгнэлт 30 хувь
- МОСАХ-ны Удирдах зөвлөлийн санал 30 хувь
НЭР ДЭВШИХ МАТЕРИАЛ ХҮЛЭЭН АВАХ ХАЯГ:
Хаяг: Сүхбаатар дүүрэг, 8 дугаар хороо, Бага тойруу, Монголын Залуучуудын Холбооны байр, 3 давхарт 312 тоот
Холбоо барих утас: 88113780, 88004147
И-мэйл хаяг: info@msh.mn
НЭР ДЭВШҮҮЛЭХ ХУГАЦАА:
2023 оны 11 дүгээр сарын 15-наас 2023 оны 11 дүгээр сарын 24-ний өдрийн 18:00 цаг хүртэл хүлээн авна.
Онцлох сайтуудыг 2023 оны 12 дугаар сарын 1-ний 17 цагт зохион байгуулагдах “ВЭБ АВАРДС 2023” цахим сэтгүүл зүйн салбарын тэргүүн наадмаар зарлана.
Эрхэм сэтгүүлч, цахим сэтгүүл зүйн салбарынхан та бүхнийг бүтээлээ илгээж, наадамдаа идэвхтэй оролцохыг урьж байна.
Дэлгэрэнгүй мэдээллийг 91937777, 88113780 утсаар авна уу.
Тод мэдээ
Соёлын биет өвийн эд зүйлсийг хууль бусаар худалдахыг завдсан хэргийг шүүхэд шилжүүллээ
Прокурорын байгууллага 2024 оны тавдугаар сарын 6-10-ны өдрүүдэд 223 хэрэгт яллах дүгнэлт үйлдэн шүүхэд шилжүүлж шийдвэрлэлээ.
Тодруулбал, Эрүүл мэндийн халдашгүй байдлын эсрэг 94, Өмчлөх эрхийн эсрэг 61, Хөдөлгөөний аюулгүй байдал, тээврийн хэрэгслийн ашиглалтын журмын эсрэг 39, Хүний бэлгийн эрх чөлөө, халдашгүй байдлын эсрэг 13, Хүний амьд явах эрхийн эсрэг 8, Хүрээлэн байгаа орчны эсрэг болон Авлига, албан тушаалын тус бүр 3, Мансууруулах эм, сэтгэцэд нөлөөт бодисыг хууль бусаар ашиглах 2, Улсын хилээр барааг хууль бусаар нэвтрүүлэх 1 хэргийг шүүхэд шилжүүлсэн байна.
Яллах дүгнэлт үйлдэн шүүхэд шилжүүлсэн зарим хэргээс дурдвал:
Нийслэлийн прокурорын газраас Баянзүрх дүүргийн 26 дугаар хорооны Засаг дарга О.Т нь эрх мэдэл, албан тушаалын байдлаа урвуулан ашиглаж, хэсгийн ахлагчаар Г.Ч-г ажилд томилон цалин олгож, өөртөө авч зарцуулсан гэх хэрэгт Эрүүгийн хуулийн 22.1 дүгээр зүйлийн 1 /Эрх мэдэл, албан тушаалын байдлаа урвуулан ашиглах/-т зааснаар яллах дүгнэлт үйлдэн Баянзүрх дүүргийн эрүүгийн хэргийн анхан шатны шүүхэд;
-Баянгол дүүргийн 309 дүгээр цэцэрлэгийн эрхлэгч Э.А нь эрх мэдэл, албан тушаалын байдлаа урвуулан ашиглаж, ой тогтоолтын сургалтад хамрагдсан хүүхдүүдийн төлбөрийн 20 хувийг цэцэрлэг хөгжүүлэх санд төвлөрүүлэх нэрийдлээр өөртөө шилжүүлэн авсан гэх хэрэгт Эрүүгийн хуулийн 22.1 дүгээр зүйлийн 1 /Эрх мэдэл, албан тушаалын байдлаа урвуулан ашиглах/-т зааснаар яллах дүгнэлт үйлдэн Баянгол дүүргийн эрүүгийн хэргийн анхан шатны шүүхэд;
-Иргэн Б.Б нь Монгол Улсад ашиглахыг хязгаарласан химийн хорт аюултай бодисын жагсаалтад багтсан мөнгөн усыг зориулалтын бусаар ашигласан гэх хэрэгт Эрүүгийн хуулийн 24.3 дугаар зүйлийн 1 /Химийн хорт, аюултай бодисыг хууль бус эргэлтэд оруулах/-т зааснаар яллах дүгнэлт үйлдэн Баянхонгор аймаг дахь сум дундын эрүүгийн хэргийн анхан шатны шүүхэд,
-Сүхбаатар дүүргийн прокурорын газраас иргэн Т.Э, Э.Г нар нь Хүннүгийн үеийн НТӨ II зуунаас НТ I зуунд хамаарах соёлын биет өв, XVII-XIX зууны үеийн бурхны шашны сүм хийдэд ашиглагдаж байсан эдлэлийг хууль бусаар худалдаалахыг завдсан гэх хэрэгт Эрүүгийн хуулийн 25.5 дугаар зүйлийн 1 /Соёлын биет өвийн хууль бус худалдааг зохион байгуулах/-т зааснаар яллах дүгнэлт үйлдэн тус дүүргийн эрүүгийн хэргийн анхан шатны шүүхэд тус тус шилжүүлжээ.
Тод мэдээ
"Давсны мэдээлэл сурталчилгааны 7 хоног" эхэллээ
Энэ сарын 13-ны өдрөөс "Давсны мэдээлэл сурталчилгааны 7 хоног" "Эрүүл зүрхний төлөө давсаа багасгацгаая" уриан дор эхэлж байна. Давс хэтрүүлэн хэрэглэх нь зүрх судасны өвчин, цусны даралт ихсэлт, чихрийн шижин, хавдар зэрэг халдварт бус өвчнөөр өвчлөх шалтгаан болдог байна.
Монгол Улсад 2019 онд хийгдсэн “Халдварт бус өвчин, осол гэмтлийн шалтгаан, эрсдэлт хүчин зүйлсийн тархалтын үндэсний IV судалгаа”-гаар нийт хүн амын давсны дундаж хэрэглээ 10.5 г байгаа нь 2013 оны судалгааны үр дүнтэй харьцуулахад үндэсний хэмжээнд 0.6 г, баруун бүсэд 5.1 г, Улаанбаатар хотод 1.2 г -аар тус тус буурсан үзүүлэлттэй байгаа ч монгол хүний давсны хоногийн хэрэглээ нь ДЭМБ-ын зөвлөмж хэмжээнээс 2 дахин их хэвээр байна гэж НЭМҮТ-өөс мэдээллээ.
Тод мэдээ
Бүх боомтоор ХАА-н гаралтай бүтээгдэхүүн экспортлох боломжийг бүрдүүлнэ
Боомтын сэргэлтийн үндэсний хорооноос 2024 онд экспортыг нэмэгдүүлэх чиглэлээр хийж хэрэгжүүлэх ажлаа товч танилцууллаа. Ингэхдээ бүсчилсэн хөгжлийн бодлогод нийцүүлж бүсийн эдийн засаг, худалдааны хэрэгцээ шаардлагад үндэслэн боомтуудыг хөгжүүлнэ. Бүс нутгийн эдийн засгийн интеграцид Монгол Улсын оролцоог нэмэгдүүлж, тээвэр логистикийн эрсдэл зардлыг бууруулна гэлээ.
Мөн олон улсын жишигт нийцсэн боомтын тоог нэмэгдүүлнэ. "Ханги", "Бичигт", "Булган", "Хавирга", "Цагаандэл-Уул" зэрэг 5 боомтыг өргөтгөж, хүчин чадлыг нэмэгдүүлнэ.
Түүнчлэн "Эрээнцав" боомтыг олон улсын зэрэглэлтэй болгоно. Тэсэрч, дэлбэрэх аюултай барааг импортлох зөвшөөрөлтэй боомтын тоог нэмэгдүүлнэ.
Бүх боомтоор ХАА-н гаралтай бүтээгдэхүүнийг экспортлох боломжийг бүрдүүлнэ гэж Боомтын сэргэлтийн үндэсний хорооноос мэдээллээ.
-
Тод мэдээ2023/05/19
Жижиг, дунд үйлдвэр, үйлчилгээг дэмжих төсөлд дэмжлэг хүслээ
-
Өнөөдөр2023/08/25
Үс шинээр үргээлгэх буюу засуулахад тохиромжгүй
-
Тод мэдээ2024/02/26
Зудын байдалд үнэлгээ хийхэд 13 аймгийн 58 суманд мөсөн зудын нөхцөл бүрджээ
-
Өнөөдөр2022/08/11
Үс шинээр үргээлгэх буюу засуулбал эд, мал арвидна
Сэтгэгдэл