Тод мэдээ
Монголын авто замчдын зөвлөлдөх уулзалт Төрийн ордонд болж байна
"Чанартай зам-Чансаатай засвар арчлалт" Монголын замчдын зөвлөлдөх уулзалт Төрийн ордонд болж байна. Ерөнхий сайд Л.Оюун-Эрдэнэ тус зөвлөгөөнд оролцож авто замчдад Монгол Улсын урт хугацааны хөгжлийн бодлого “Алсын хараа 2050", "Шинэ сэргэлтийн бодлого”-ын одоогийн үр дүнг танилцуулж, үүнд тус салбарын оролцоо чухлыг онцоллоо.
Засгийн газар “Шинэ сэргэлтийн бодлого”-д боомтуудыг авто замаар холбохоор тусгаж томоохон төслүүд эхлэн ажиллаж байна. Мөн Улаанбаатар хотод 225 км нэмэлт холбоос зам барихаар зураг төслийн ажил эхлээд байна. Эдгээрийг амжилттай гүйцэтгэхэд төр, хувийн хэвшил хамтран ажиллах, баригдаж буй замын чанар, засвар арчлалтыг сайжруулах зэргээр салбарын тулгамдсан асуудал, шийдлийн талаар ярилцлаа.
Өнгөрсөн 2 жилд Монголын авто замчид 689,1 км урт хатуу хучилттай зам, 330 у/м төмөр бетон гүүр барьж байгуулсан байна.
Тод мэдээ
Хайрхан суманд хөвүүр гүүр байрлуулахаар ажиллаж байна
Архангай аймгийн Хайрхан сумын төвд байрлах Хүнүй голын модон гүүр шар усны үерийн улмаас нурж, орон нутгийн иргэд, мал сүрэг, техник хэрэгсэл нэвтрэх боломжгүй болжээ.
Зэвсэгт хүчний 234 дүгээр ангийн захирагч хурандаа Г.Эрдэнэбаяраар ахлуулсан усчин дайчид ЗХЖШ-ын даргын тушаалаар Архангай аймгийн Хайрхан суманд ажиллаж байна.
Томилгоот бүлэг өнөө өглөөнөөс Хүнүй голын хүн ихээр зорчиж, нэвтэрдэг хэсэгт хөвүүр гүүрийг байрлуулахаар ажиллаж эхэллээ.
Хөвүүр гүүрийг төхөөрөмжилж байрлуулснаар хүн, техник саадгүй нэвтрэх боломж бүрдэнэ гэж Зэвсэгт хүчний Жанжин штабаас мэдээллээ.
Тод мэдээ
ШӨХТГ: 44 иргэний гомдлыг эцэслэн шийдвэрлэж 4.217.000 төгрөгийн хохирол барагдууллаа
Шударга өрсөлдөөн, хэрэглэгчийн төлөө газрын “Хэрэглэгчийн мэдээллийн 115 төв”-д өнгөрөгч 4 дүгээр сард нийт 497 иргэн хандсан байна. Үүнээс 438 иргэнд зөвлөгөө мэдээлэл өгч, 8 иргэний гомдол, мэдээлэл судлагдаж хариу өгөхөөр хүлээгдэж, 7 иргэний гомдлыг хариуцах салбар шилжүүлж, 44 иргэний гомдлыг эцэслэн шийдвэрлэж 4.217.000 төгрөгийн хохирол барагдууллаа.
Ирүүлсэн гомдлыг салбараар нь авч үзвэл худалдаа үйлчилгээ 171, харилцаа холбоо 60, хөдөлмөр нийгмийн халамж үйлчилгээ 13, цахилгаан 9 , банк, санхүү, даатгал 35, барилга 17, боловсрол 2, НЗАА-ны үйл ажиллагаатай холбоотой 4, контор 60, НӨАТ 7, өрсөлдөөн 7 , СӨХ 7, тасалбартай холбоотой 1, түрээсийн асуудлаар 2, шатахуун 4, эрүүл мэндийн үйлчилгээтэй холбоотой 12, бусад асуудлаар 86 иргэн хандсан байна гэж ШӨХТГ-аас мэдээллээ.
Тод мэдээ
Шар өвс шатаасан 2 иргэнд хариуцлага тооцов
-
Тод мэдээ2023/10/04
Дүүргүүд өвөлжилтийн бэлтгэлээ хангаад байна
-
Өнөөдөр2023/05/31
Төвийн аймгуудын ихэнх нутгаар бороо үргэлжлэн орно
-
Тод мэдээ2022/08/17
"E-mongolia"-с авсан баримт бичгийг хүлээн зөвшөөрөх асуудлаар банкнуу...
-
Тод мэдээ2023/07/07
Баяр наадмын өдрүүдэд томоохон зах, худалдааны төв, дэлгүүрүүдийн ажиллах цагийн...
Сэтгэгдэл